Pakistan’s strong

وزارت داخلہ نے نادرا سے ڈائریکٹر جنرل کی 16 اسامیاں ختم کرنے کا نوٹیفکیشن جاری کر دیا ، جبکہ اسمارٹ کارڈ کی فیس 1500 کے بجائے 400 وصول کی جائے گی
اسلام آباد (یس اُردو) نادرا نے سولہ ڈائریکٹر جنرل کی اسامیاں ختم کر دی جبکہ سمارٹ کارڈ کی فیس 1500 سے کم کر کے 400 کر دی گئی ہے ، فیس میں واضح کمی کا مقصد شہریوں کو فائدہ پہنچانا ہے ۔وزارت داخلہ نے نادرا سے ڈائریکٹر جنرل کی 16 اسامیاں ختم کرنے کا نوٹیفکیشن جاری کر دیا ہے ۔ نوٹیفکیشن کے مطابق نادرا میں 26 ڈائریکٹر جنرل کام کر رہے تھے جو کہ اب کم ہو کر 10 رہ جائیں گے ۔ نادرا ہیڈ کوارٹر میں اب 5 فیلڈ ڈائریکٹر جنرل رہ گئے ہیں ۔ذرائع کے مطابق ملا منصور کی ہلاکت کے بعد وفاقی وزیر داخلہ نے 4 مرتبہ نادرا ہیڈ کوارٹر کا دورہ کیا اور ہدایات جاری کیں جس کے بعد نادرا میں بڑے پیمانے پر اکھاڑ پچھاڑ ہوئی ۔دوسری جانب نادرا نے اسمارٹ کارڈ کی فیس میں بھی کمی کر دی ہے ۔ ترجمان وزارت داخلہ کے مطابق اسمارٹ کارڈ کی فیس 1500 کے بجائے 400 وصول کی جائے گی ۔ ارجنٹ کارڈ کی فیس 800 جبکہ ایگزیکٹو سمارٹ کارڈ کی فیس 1600 ہو گی ۔ ترجمان وزارت داخلہ کے مطابق واضح کمی کا مقصد شہریوں کو فائدہ پہنچانا ہے ۔