Panama leaks have caused

میاں نواز شریف ،میاں شہباز شریف کی ملکیت میں براہ راست کوئی کمپنی نہیں ، حسین نواز ، حسن نواز اور شہباز شریف کے رشتہ داروں کے نام پر آٹھ کمپنیاں
لاہور (یس اُردو) ویکی لیکس کے بعد پانامہ لیکس کے انکشافات نے تہلکہ مچا دیا ہے۔ پانامہ لیکس نے اس راز سے پردہ اٹھایا ہے کہ متعدد پاکستانیوں نے بیرون ملک آف شور کمپنیاں بنائیں، یہ کمپنیاں رکھنے والوں میں پاکستانی سیاست دان، کاروباری شخصیات، بینکرز، حاضر سروس اور ریٹائرڈ جج بھی شامل ہیں تاہم میاں نوازشریف اور میاں شہبازشریف کی ملکیت میں براہ راست کوئی کمپنی نہیں جبکہ حسین نواز، حسن نواز، اور شہبازشریف کے رشتہ داروں کے نام پر آٹھ کمپنیاں ہیں ۔ آف شور کمپنیوں کے مالکان میں بے نظیر بھٹو، جاوید پاشا، رحمان ملک، سینیٹر عثمان سیف اللہ اینڈ فیملی، چودھری برادران کے رشتہ دار وسیم گلزار، حج اسکینڈل کے شریک ملزم زین سکھیرا بھی شامل ہیں۔ غیر ملکی کمپنیاں بنانے والوں میں پاکستان کی کئی اہم کاروباری شخصیات کے نام بھی شامل ہیں۔ اس فہرست میں بارایسوسی ایشن کے ارکان، ایک حاضر سروس جج اور ریٹائرڈ جج ملک قیوم کے نام بھی درج ہیں۔ پاکستانی شخصیات میں سب سے زیادہ آف شور کمپنیاں سیف اللہ خاندان کی ہیں