Paris Eid Milan Party

پیرس (اے کے راو سے) 26 جولائی کی شام کو خوبصورت بنایا معززین پیرس نکی بڑی تعداد نے پاکستان عوامی تحریک فرانس کی” عید ملن ” میں شامل ہو کر۔ خواتین و حضرات کے اس پروگرام کی تلاوت قاری محمد صدیق نے کی جبکہ پارٹی کے ڈپٹی سیکریٹری طاہر عباس گورائیہ نے نظامت کے فرائض انجام دیے، نعت رسول (ص ) کی سعادت صدر پاکستان عوامی تحریک گارج سارسل زاہد محمود چشتی نے حاصل کی کلام شاعر با زبان شاعر ،نائب صدر پیرس آدبی فورم عاکف غنی نے حالات حاضرہ پر ترنم سے پڑھ کر ” حالات بدلنے میں کچھ دیر تو لگتی ہے” خوب داد سمیٹی۔ بچوں نے شہدا آرمی پبلک سکول پشاور کو خوبصورت انداز میں خراج تحسین پیش کیا۔

پاکستان عوامی تحریک میں نئے لوگوں کی شمولیت جاری ہے عید ملن پروگرام میں 40 مرد اور 19 خواتین نے پاکستان عوامی تحریک میں شمولیت کا اعلان کیا۔ پاکستان عوامی تحریک فرانس کی قیادت صدر حاجی محمد اسلم سئنئیر نائب صدر طارق چوھدری ، نائب صدر ظفر اقبال ، چیف آرگنائیزر شیخ سلطان محبوب ،اور جنرل سیکریٹری محمد نعیم چوھدری نے کھڑے ہو کر نئے آنے والوں کو ویلکم کیا۔ اس موقع پر صدر پاکستان عوامی تحریک فرانس و یورپ حاجی محمد اسلم چوہدری نے نئے آنے والوں کو خوش آمدید کہے ہو کہا کہ اللہ تعالیٰ پاکستان اور اسکے 19 کروڑ عوام کو فرانس کی طرح خوشحالی اور امن کی دولت سے مالا مال کرے۔

اللہ پاکستان کو ایماندار، باصلاحیت اور دردمند قیادت نصیب فرمائے جو اس ملک اور قوم کو کرپشن، دہشتگردی اور غربت کے اندھیروں سے نجات دلائے۔ انہوں نے اس موقع پر ماڈل ٹاون کے شہداء اور شہداء آپریشن ضرب عضب جنہوں نے پاکستان کی خاطر جانیں دیں دعا کرتے ہوئے کہا کہ اللہ تعالیٰ ان کی یہ قربانی قبول کرے اور ان کے درجات بلند اور ان کے ورثاء کو صبر جمیل عطاء کرے۔

انہوں نے کہا کہ دہشتگردی کے خلاف لڑتے ہوئے جانیں دینے والے شہداء اور ان کے لواحقین کو سلام پیش کرتا ہوں۔ حاجی محمد اسلم چوھدری نے نئے آنے والوں کو مخاطب ہو کر کہا کہ پاکستان اور اسکے 19 کروڑ عوام کے مستقبل کو روشن کرنے کے لیے، پاکستان کو لوٹنے والے چند درجن خاندانوں کو عبرتناک انجام تک پہنچانے کے لیے آپ لوگوں کا اس دور میں پاکستان عوامی تحریک میں شامل ہونا جب پارٹی کے پاس نہ کوئی حکومت ہے نہ کوئی وزارت سرف پاکستان کی بقاء کی جنگ میں شمولیت خوش آئند ہے۔

عید ملن میں شامل معززین پیرس کی تواضع خوش زائیقہ پکوان سے کی گئی جس کا اہتمام تحریک میں نئے شامل ہونے والے چوھدری فیاض احمد کدھر نے کیا تھا۔