چشتیاں: لاہور سے چشتیاں جانے والی مسافر بس کے گن مین نے 15 سالہ طالبہ کو زیادتی کا نشانہ بنا دیا۔
پولیس کے مطابق بونگہ حیات پاکپتن کے دکاندار حاجی نیاز کی بیٹی (ش) والدہ کے ہمراہ نانی کے پاس جارہی تھی کہ مسافر بس 6599. ایل ای 15 کے گن مین محمد عمران سکنہ چاہ رام، راج پور لودھراں نے چکمہ دیکر گاڑی میں سوار کر لیا۔ بعدازاں طالبہ کو اپنے مکان پر لے جاکر زیادتی کا نشانہ بنا دیا۔ لوگوں کے فوری پہنچ جانے پر گن مین نے اسلحہ نکال کر انہیں جان سے مار دینے کی دھمکی دی اور بھاگ جانے میں کامیاب ہوگیا تاہم ڈی پی او بہاولنگر عمارہ اطہر کی ہدائت پر پولیس نے ملزم کو گرفتار کر لیاپولیس نے زیر دفعہ 376مقدمہ درج کرکے تفتیش شروع کر دی ہے۔ طالبہ تحصیل ہسپتال چشتیاں میں زیر علاج ہے جہاں ڈی پی او بہاولنگر نے طالبہ کی عیادت کی۔ علاوہ ازیں قصور کے نواحی علاقہ چیلہ چک9 میں نامعلوم ملزمان نے شادی شدہ خاتون کو زیادتی کے بعد قتل کرکے لاش کھیتوں میں پھینک دی۔ سرائے مغل پولیس نے مقدمہ درج کر کے ملزموں کی تلاش شروع کر دی ہے۔
دوسری جانب خبر کے مطابق ماڈل ٹاﺅن کچہری میںپسند کی شادی کرنے والے جوڑے کے اہل خانہ آپس میں گھتم گتھا ہوگئے، لاتوں اور مکوں کا آزادانہ استعمال سے فریقین زخمی ہوگئے ۔گزشتہ روز ارشما رضا نامی لڑکی اپنے شوہر کے حق میں بیان قلمبند کرانے کے لئے ماڈل ٹاﺅن کچہری پہنچی، پولیس کے مطابق لڑکی کے والدین نے لڑکے کے خلاف تھانہ ہربنس پورہ میں اغوا کا مقدمہ درج کرا رکھا ہے، یاد رہے کہ ارشما کی جان کو خطرے کے باعث یہ مقدمہ کینٹ کچہری سے ماڈل ٹاﺅن کچہری منتقل کرایا گیا تھا لیکن گزشتہ روز لڑکی کے والدین ماڈل ٹاﺅن کچہری بھی پہنچ گئے اور اپنی بیٹی کو ساتھ لے جانے کی کوشش کی جس پر فریقین میں جھگڑا ہوگیا، بعدازاں عدالت نے لڑکی کی جانب سے خاوند کے حق میں بیان دینے پر اسے اس کے ساتھ جانے کی اجازت دیدی۔
