اسلام آباد؍لاہور(پ ر)پیر آف سندر شریف پیر سید محمد حبیب عرفانی نے آج چیئرمین تحریک انصاف عمران خان سے خصوصی ملاقات کی ۔ ملاقات میں سینئر قائدین نعیم الحق، اعجاز چوہدری مفتی محمد سعید خان اور دیگر بھی شریک تھے۔ پیر آف سندر شریف نے ختم رسالت مآب صلی اللہ علیہ وسلم پر چیئرمین تحریک انصاف کے موقف کی مکمل تائید و تحسین کی۔ملک بھر میں علماء کرام اور مشائخ عظام کو متحرک کرنے کی ضرورت پر زوردیا۔ چیئرمین تحریک انصاف کی جانب سے آل پاکستان علماء و مشائخ کنونشن کے انعقاد کی منظوریدی گئی۔ کنونشن آئندہ ماہ کے وسط میں لاہور میں منعقد کیا جائے گا۔
مسلم لیگ نواز مشائخ ونگ پنجاب کے سابق صدر مخدوم ارشد قمر کی تحریک انصاف میں شمولیت کا اعلان۔،پاکستان یوتھ اسمبلی کے صدر بابر سلہری کا بھی تحریک انصاف میں شمولیت کا اعلان۔،ربیع الاول 12کو اسلام آباد میں سیرت النبی کانفرنس کے انعقاد پر مفتی سعید خان کو چیئرمین کی مبارکباد۔
