لاہور(ولی اللہ) ایکسائز حکام کو ایف بی آر کی جانب سے نان فا ئلر شہریوں کی ایک ہزار سی سی سے کم گاڑیوں اور موٹر سائیکلوں کی رجسٹریشن کرنے کی اجازت مل گئی جس پر ایکسائز انتظامیہ نے اس حوالے سے باقاعدہ احکامات جاری کر دیئے ہیں۔

تفصیلات کے مطابق ایف بی آر حکام نے نان فائلرز پر گاڑیوں اور موٹر سائیکلز کی رجسٹریشن کرانے پر پابندی عائد کر دی تھی جس میں ایک ہزار سی سی سے کم گاڑیوں اور موٹر سائیکل کو بھی شامل کیا گیا جس پر ایکسائز حکام نے ایک ماہ قبل ایف بی آر کو لیٹر ارسال کیا کہ چھوٹی گاڑیاں اور موٹر سائیکل والوں کو چھوٹ دی جائے جس پر ایف بی آر حکام کی جانب سے ایکسائز انتظامیہ کو ایک ہزار سی سی سے کم گاڑیوں اور موٹر سائیکلوں کی رجسٹریشن کرنے کی اجازت دے دی گئی ہے جبکہ شہری گاڑیوں کی ٹرانسفر بھی کرا سکیں گے۔