Peshawar motorcycle
واقعہ پنچ کھٹہ میں پیش آیا ، پولیس نے واقعے کی اطلاع ملتے ہی علاقے میں سرچ آپریشن شروع کر دیا
یکہ توت (یس اُردو) یکہ توت کے علاقے میں موٹر سائیکل سواروں نے فائرنگ کرکے پولیس اے ایس آئی کو قتل کردیا ۔ واقعہ تھانہ یکہ توت کے علاقے پنچ کھٹہ میں پیش آیا جہاں پر قیصر علی شاہ نامی پولیس اہلکار جو کہ اے ایس آئی ہے پر گھر کے سامنے نامعلوم موٹر سائیکل سواروں نے فائرنگ کردی ۔ موٹر سائیکل سوار فائرنگ کرکے فرار ہونے میں کامیاب ہوگئے ۔ فائرنگ کی اطلاع پر مقامی لوگ بھی موقع پر پہنچ گئے اور فائرنگ کا نشانہ بننے والے پولیس اہلکار کو ہسپتال پہنچانے کی کوشش کی تاہم وہ موقع پر جاں بحق ہوگیا ۔ واقعے کی اطلاع ملتے ہی مقامی پولیس بھی موقع پر پہنچ گئی جنہوں نے واقعے کی تحقیقات شروع کردی ہے اور علاقے میں سرچ آپریشن بھی شروع کردیا گیا ہے ۔ جاں بحق ہونیوالے پولیس اہلکار کی لاش خیبر میڈیکل کالج پوسٹ مارٹم کیلئے منتقل کر دی گئی ۔
