ینگ ڈاکٹرز ایسوسی ایشن نے مطالبات کے حق میں اسپتالوں میں احتجاج کا اعلان کیا ہے۔ پشاور میں ڈ اکٹر ز نے لیڈی ریڈنگ اسپتال میں جمع ہو کر جاں بحق ڈاکٹروں کے لواحقین کو معاوضہ دینے کا مطالبہ کر دیا۔

Peshawar: Young doctors protest in favor of demands

ینگ ڈاکٹرز ایسوسی ایشن خیبر پختونخوا نے اپنے مطالبات کے حق میں آج ہڑتال کردی۔ لیڈی ریڈنگ اسپتال میں سینئر ڈاکٹرز موجود ہیں ، تمام شعبے کھلے ہوئے ہیں تاہم ہڑتال کی وجہ سے مریضوں کو مشکلات کا سامنا ہے۔

دفعہ 144 کے تحت اسپتالوں میں مظاہروں پر پابندی بھی عائد ہے۔لیڈی ریڈنگ اسپتال میں ڈاکٹروں کے جمع ہوتے ہی پولیس کی بھاری نفری بھی اسپتال پہنچ گئی ۔ ینگ ڈاکٹرز ایسوسی ایشن نے مطالبہ کیاہے کہ جاں بحق ڈاکٹروں کو معاوضہ دیا جائے، صوبہ بھر کے تمام ڈاکٹروں کو ہیلتھ پروفیشنل الاؤنس اور ٹائم اسکیل ترقی بھی دی جائے۔ انہوں نے ڈاکٹروں کو تحفظ دینے کا مطالبہ کرتے ہوئے کہا ہےکہ پوسٹ گریجویٹ میڈیکل انسٹیٹیوٹ میں سیاسی مداخلت ختم کی جائے اور ایم او ایکٹ میں تجویز کئے گئے ترامیم کی جائیں۔