کراچی کے شاہ لطیف ٹاؤن کے قریب مبینہ پولیس مقابلے میں 3ملزمان ہلاک ہوگئے جبکہ شاہ فیصل، کورنگی، ناظم آباد، فیڈرل بی ایریا ا ور لیاری سے29ملزمان گرفتارکرلیے گئے۔شاہ لطیف ٹاؤن مرغی خانہ کے قریب ملزمان شہری سے لوٹ مارکررہے تھےکہ پولیس پہنچ گئی،فائرنگ کے تبادلے میں 3ملزمان مارے گئے۔

پولیس کے مطابق ملزمان سے اسلحہ،نقدی اور موٹرسائیکل برآمدہوئی ہے۔ادھر شاہ فیصل کالونی میں پولیس نے آپریشن کرکے 22ملزمان کوگرفتارکرلیا۔ایس پی شاہ فیصل کا کہنا ہے کہ ملزمان سےایس ایم جی،12ٹی ٹی پستول، دستی بم،موبائل فونز اور نقدی برآمدہوئی ہے۔علاوہ ازیں کورنگی،ناظم آباد اورلیاری سے 6 ملزمان گرفتارکرلیے گئے جبکہ فیڈرل بی ایریا میں اہل علاقہ نے ایک ڈاکو پکڑ لیا، جسے تشدد کے بعد پولیس کے حوالے کردیا۔