Politicians am not jealous, Khursheed said the Sheikh

شیخ رشید کی خورشید شاہ سے ہاتھ جوڑ کر عمران کی مخالفت چھوڑنے کی اپیل کی اور کہا کہ آپ بڑے لیڈر ہیں ،خورشید شاہ نے کہا کہ میں سیاست دان ہوں بے غیرت نہیں ہوں، آپ کے ذریعے عمران خان تک پیغام پہنچاؤں گا ۔ شیخ رشید نے بھی فورا ًجواب دیا کہ’’ عمران خان بھی بے غیرت نہیں‘‘۔

پبلک اکاؤنٹس کمیٹی کے اجلاس کے بعد جوں ہی ممبران باہر نکلے تو اپوزیشن لیڈر سید خورشید شاہ اور عوامی مسلم لیگ کے سربراہ شیخ رشید کا پارلیمنٹ کی راہداری میں آمنا سامنا ہو تے ہی دونوں رہنماؤں میں دلچسپ مکالمہ ہوا ۔

شیخ رشید نے شکوہ کرتے ہوئے کہا کہ آپ اور مولانا فضل الرحمٰن بڑے لیڈر ہیں ،ہاتھ جوڑ کر کہا کہ آپ عمران خان کی مخالفت کیوں نہیں چھوڑتے، آپ خان کی مخالفت چھوڑ دیں ،ساری زندگی آپ کی عزت کروں گا ،جس پر سید خورشید شاہ نے شیخ رشید کے ہاتھ پکڑ کے نیچے کئے اور جواب دیا کہ میں سیاست دان ہوں بے غیرت نہیں ہوں۔

اس موقع پر رکن اسمبلی جنید انوار چوہدری نے خورشید شاہ کی کو ستائش کرتے ہوئے ’’اوہو ۔۔واہ واہ ‘‘ کہا تو خورشید شاہ نے کہا کہ چھوڑیں شیخ صاحب ،ادھر ن لیگ والے بھی کھڑے ہیں، علیحدگی میں بات کریں گے،میں آپ کے ذریعے عمران خان کو پیغام دوں گا۔

جس کے بعد خور شید شاہ شیخ رشید نے کہا ویسے بھی نون والے مجبوریوں کو خریدتے ہیں۔