لاہور/ پیرس (ایس ایم حسنین, تصاویر میاں عرفان صدیق) پاکستان پیپلز پارٹی فرانس کے مرکزی راہنما چوہدری محمد رزاق ڈھل  نے ممبرپیپلز پارٹی اوورسیز تنظیم سازی کمیٹی چودھری ندیم اصغر کائرہ کے اعزاز میں شاندار عشائیہ دیا۔ تقریب میں پاکستان پیپلز پارٹی فرانس کےتمام ممتاز راہنمائوں اور کارکنوں نے بھر پور شرکت کی۔ عشائیہ تقریب بہت جلد پاکستان پیپلز پارٹی اور پیپلز پارٹی   اوورسیز راہنمائوں کے اجتماع کی شکل اختیار کر گئی۔ چوہدری ندیم اصغر کائرہ پی پی فرانس کے راہنمائوں ، صحافیوں اور دوسرے مہمانوں میں گھل مل گئے اور تمام شرکائ سے قومی سیاسی و معاشی صورتحال پر تبادلہ خیال کیا ۔  تمام راہنمائوں نے چوہدری ندینم اصغر کائرہ کے ساتھ گفتگو کی ۔ استقبالیہ سے خطاب کرتے ہوئے چوہدری عبدالرزاق ڈھل نے چوہدری ندیم اصغر کائرہ کو پاکستان پیپلز پارٹی کی تنظیم نو کو بطریق احسن انجام دہی پر خراج تحسین پیش کیا اور کہا کہ پاکستان پیپلز پارٹی کے کارکنوں اور شہید بھٹو کے جیالوں کو چوہدری ندیم اصغر کائرہ اور مرکزی قیادت پر کامل یقین ہے کہ وہ ہمیشہ کی طرح شہید بھٹو کے جیالے سپوتوں کی توقعات پر پورا اتریں گے۔ اور اوورسیز تنظیم سازی کو مکمل کر کے پاکستان پیپلز پارٹی کو دنیا بھر میں متحرک کرنے میں اہم کردار ادا کریں گے۔

چوہدری ندیم اصغر کائرہ نے چوہدری عبدالرزاق ڈھل اور پی پی فرانس کے راہنمائوں کی مہمان نوازی کو سراہا اور پی پی فرانس کے راہنمائوں کے جذبہ حب الوطنی اور قومی سوچ کی کھل کر داد دی۔ ان کا کہنا تھا کہ پاکستان پیپلز پارٹی اپنا کھویا ہوا مقام حاصل کرنے کیلئے پورے پاکستان اور اب دنیا بھر میں تنظیم نو کا کام سائنسی بنیادوں پر انجام دے رہی ہے اور اس کیلئے ہنگامی بنیادوں پر کام کیا جا رہا ہے۔ انہوں نے کہا کہ اللہ تعالیٰ نے پاکستان پیپلز پارٹی کے شریک چیئرمین سابق صدر آصف علی زرداری اور محترمہ شہید کو سرخرو کیا اور سیاسی بنیادوں پر قائم مقدمات اور نیب کے کالے قوانین اور درباریوں کے ریشہ دوانیوں پر مشتمقل جھوٹے کرپشن مقدمات سے باعزت بری کر دیا ہے ۔ اور شریف برادران اپنی بنائی ہوئی نیب میں بچوں سمیت پیش ہونے جا رہے ہیں جو کہ مکافات عمل اور قدرت الہییہ کا زندہ معجزہ ہے۔ اللہ تبارک و تعالیٰ نے شہید بھٹو اور بی بی شہید اور مرد حر جناب سابق صدر آصف علی زرداری کے کاری دشمنوں کی زبان سے ان کے عزم وہمت اور بے گناہی کا اقرار کروایا ہے ۔ جوکہ پاکستان پیپلز پارٹی کیلئے حیات ابدی کی دلیل ہے۔ اللہ تبارک و تعالیٰ غریبوں کیلئے محنت اور قانون سازی کا اجر پاکستان پیپلز پارٹی کی ایک مرتبہ پھر مضبوط ترین حکومت کی شکل میں دے گی اور ہمیں کامل یقین ہے کہ فسادیوں کے دن بہت کم رہ گئے ہیں اور انشااللہ عوامی خدمت کی جیت ہوگی۔ تقریب کے دوران پاکستان پیپلز پارٹی فرانس کے سینئر راہنمائوں چوہدری افضال ڈھل، رانا شاہد ریاض اورعبدالستار ملک نے کہا ہے کہ بلاول بھٹو زرداری کی قیادت میں پاکستان پیپلز پارٹی نئی انتہائوں کو چھو رہی ہے۔ بلاول بھٹو زرداری نہ صرف پیپلزپارٹی بلکہ پاکستانی سیاست کا مثبت ترین چہرہ ہیں ۔ انہوں نے کہ کہ مسلم لیگ ن سمیت بہت سے پارٹیوں اور سیاست دانوں کی نئی آنے والی نسل کے چہرے بھی کرپشن آلودہ ہو چکے ہیں۔ سستی روٹی سکیم ، لیپ ٹاپ کےنام پر اربوں روپے کے فراڈ ہو چکے ہیں وہاں بلاول بھٹو زرداری پاکستانی سیاست کی مثبت ترین پہچان بن کر ابھر رہے ہیں۔

 عشائیے میں پیپلزپارٹی فرانس کے کارکنان،ممبران اور قاری فاروق احمد فاروقی جیسے جیالوں کے علاوہ سینکڑوں افراد اور ویمن ونگ سے عورتوں نے کثیر تعداد میں بھر پور شرکت کی۔ چوہدری ندیم اصغر کائرہ نے فرانس میں اپنی آمدکا مقصد بیان کرتے ہوئے کہہ کہ چیئرمین بلاول بھٹو زرداری نے ہماری ذمہ داری لگائی ہے کہ میں یورپ میں پیپلز پارٹی کے تمام ورکرز سے ملاقات کر کے ان کے خیالات چیئرمین کو پیش کروں اور انہوں نے یہ بھی کہہ کہ نہ تو میں کسی کو نامزد کر سکتا ہوں اور نہ ہی کسی کی اس سلسلے میں کوئی مدد کر سکتا ہوں میں آپ تمام دوستوں کے خیالات چئیرمین بلاول بھٹو زرداری کی خدمت میں پیش کروں گا اور میں یہ فریضہ ایمانداری سے ادا کروں گا۔اس کا فائنل فیصلہ چئیرمین بلاول بھٹو زرداری ہی کریں گے۔کارکنان نے کہہ کہ ہماری خواہش ہے کہ چوہدری محمد رزاق ڈھل بنگش کو آئندہ صدر کی ذمہ داریوں سونپی جائیں۔

این اے 120کا ضمنی الیکشن جیت کر پیپلز پارٹی ایک نئی تاریخ رقم کرے گی این اے 120 کی کیمپین میں (ن) لیگ سرکاری وسائل استعمال کر رہی ہے ، 17ستمبر (تیر) کی جیت کا دن ہے ، حریفوں نے کہا تھا کہ میں نے حلقہ کو پیرس بنا دیا ہے ، ن لیگ کے پیرس میں صاف پانی ، بجلی سمیت بنیادی سہولتیں موجود نہیں نواز شریف ہر بار ووٹ لینے کی خاطر مالکانہ حقوق دینے کی بات کرتے ہے لیکن آج تک انہیں مالکانہ حقوق نہیں ملے ، انہوں نے کہا کہ مریم نواز انتخابی کیمپین کے لئے وزیر اعظم اور وزیر اعلیٰ کا گھر استعمال کر رہی ہے ، جس دن حلقہ میں بارش ہو جائے پیرس وینس بن جاتا ہے ، اس حلقہ میں پورا پورا دن بجلی غائب رہتی ہے ، یہ لاہور کا حصہ ہے اور نا اہل نواز شریف کا حلقہ ہے ، عوام کا برا حال ہے ،پانی کا مسئلہ پورے علاقے کا ہے ،نواز شریف ہر بار وعدہ کرتے ہے لیکن وہ پورا نہیں کرتے ، عوام شکایتیں کرتے ہے کہ سالوں سے  رہ رہے ہیں لیکن ہمیں مالکانہ حقو ق نہیں مل رہے ۔حلقہ کے باشعور عوام کرپشن کے خاتمے اور چوروں اور ڈکیتوں سے نجات حاصل کرنے کے لئے پیپلز پارٹی کوووٹ دینگے۔انہوں نے کہا کہ  الیکشن کمیشن (ن) لیگ کے وزراء اور ایم پی اے کی طرف سے ضابطہ اخلاق کی دھجیاں بکھیرنے پر کوئی نوٹس نہیں لے رہا ، الیکشن میں کسی قسم کی حکومتی مشینری ااستعمال نہیں ہو سکتی ، الیکشن کمیشن نے ایکشن نہ لیا تو ہمارے پاس آپشن موجود ہے۔