Pride and Prejudice

لانس اینجلس ……ہالی وڈ کی خوف اور دہشت سے بھرپور نئی ہارر کامیڈی فلم پرائڈ اینڈ پریجوڈس اینڈ زومبیزکا لانس اینجلس میں رنگا رنگ پریمیئر منعقد کیا گیا۔ جس میں فلم کی کاسٹ نے شرکت کر کے تقریب کو چار چاند لگا دئیے۔
فلمی ستاروں نے ریڈ کارپٹ پر جلوے بکھیرتے ہوئے فوٹو گرافروں کو پوز دئیے اور مداحوں کے ساتھ تصاویر بھی بنوائیں۔ہدایتکاربیر اسٹیئرز کی اس سنسنی خیز فلم کی کہانی زومبیز کے خاتمے کیلئے سر گرم ایسی ٹیم کے گِرد گھوم رہی ہے جو خوفزدہ ہوئے بغیر انتہائی بہادری سے دشمن کا قلع قمع کرتی دِکھائی دے رہی ہے۔
برائن اولیور، نٹالی پورٹمین اور ٹیلر تھامپسن کی مشترکہ پروڈکشن میں بننے والی اس فلم کی کاسٹ میںللِی جیمز، سیم ریلے، جیک ہوسٹن ،بیلا ہیٹکوٹ،ڈوگلز بوٹ،چارلس ڈینس، میٹ اسمتھ اور لینا ہیڈی شامل ہیں۔یہ ہارر کامیڈی فلم لائنز گیٹ کے تحت رواں سال 5فروری کو امریکا اور12فروری کو برطانوی سنیما گھروں کی زینت بنائی جائیگی۔