لاہور(ویب ڈیسک) وزیراعظم عمران خان کادورہ لاہورعوام کیلئے بہت سی خوشیاں بھی لایا ہے ، اور اب یہ خبر ہے کہ وزیراعظم عمران خان نے گیس میں اضافی بلوں پرنوٹس لے لیا ہے ، اور اعلیٰ حکام سے رپورٹ بھی طلب کر لی ہے ، اور کہا ہے کہ یہ مسئلہ فوری حل ہونا چاہیے ، وزیراعظم عمران خان لاہور میں اعلیٰ سطح کے اجلاس میں گھریلو صارفین کے لیے گیس کے بلوں میں غیرمعمولی اضافے کا نوٹس لیتے ہوئے وفاقی وزیرپٹرولیم وگیس سے رپورٹ طلب کرلی ہے. تفصیلات کے مطابق وزیراعظم اتوار کے روز ایک روزہ دورے پر لاہور پہنچے انہوں نے وزیراعلی پنجاب عثمان بزدار اور گورنر پنجاب چوہدری سرور سے ملاقاتیں کیں. ملاقات کے دوران وزیراعظم نے وزیراعلیٰ اور گورنر پنجاب سے امن وامان کی صورت حال سمیت دیگر اہم امور پر تبادلہ خیال کیا. رپورٹ کے مطابق وزیراعظم عمران خان، وزراءسے بھی ملاقات کریں گے ‘اجلاس میں صوبے کی سیکورٹی اور سیاسی صورت حال سمیت دیگر امور کا جائزہ لیا گیا. ایوان وزیراعلیٰ میں ہونے والے اعلیٰ سطحی اجلاس میں صوبائی کابینہ کے اراکین‘وزیراعلی اور گورنرپنجاب سمیت دیگر اعلی حکام نے شرکت کی. اجلاس کے دوران وزیراعظم نے گیس کی قیمتوں میں اضافے کا نوٹس لیتے ہوئے وزیر پیٹرولیم کو فوری طور پر انکوائری کی ہدایت کی،، انہوں نے کہا کہ گھریلو صارفین پر اضافی بوجھ ڈالنا غیرمناسب ہے. وزارت پٹرولیم وگیس اس پر جواب دے کہ گھریلو صارفین کے لئے گیس بلوں میں اضافہ کیوں کیا گیا،، انہوں نے اس حوالے سے وزیر پیٹرولیم کو فوری طور پر انکوائری کی ہدایت بھی کی،، وزیراعظم نے سانحہ ساہیوال کی تحقیقات پر عدم اعتماد کا اظہار کرتے ہوئے صوبائی حکومت سے اب تک ہونے والی پیش رفت پر رپورٹ طلب کی ہے،، قبل ازیں وزیراعظم سے ملاقات میں وزیر اعلیٰ پنجاب عثمان بزدار نے وزیراعظم کو سانحہ ساہیوال پر پیش رفت ‘صوبے میں امن وامان کی صورتحال اور پولیس اصلاحات کے بارے میں بریفنگ دی،،