اسلام آباد: وزیراعظم عمران خان نے مستقبل کے پاکستان کی شاندار تصویر دکھا دی۔

وزیراعظم عمران خان کا اپنے ٹویٹر پیغام میں کہنا ہے کہ شہروں میں سبزے کے لیے زیادہ سے زیادہ سے جگہ چھوڑی جائے۔ مستقبل کے شہروں کے بارے میں میرا یہ نظریہ ہے کہ عمارتوں کو عمودی طور پر بنایا جائے۔ انہوں نے کہا کہ مستقبل کے شہروں کے بارے میں میرا ایک وژن ہے کہ شہروں میں کثیر المنزلہ عمارتوں کی اجازت ہو۔ انہوں نے مزید کہا کہ پاکستان کا شمار ماحولیاتی تبدیلیوں کا شکار ہونے والے ممالک میں ہوتا ہے۔واضح رہے وزیراعظم عمران خان نے ملک بھر میں اربوں درخت لگانے کا اعلان کیا تھا۔ انہوں نے قوم سے اپنے پہلے خطاب میں کہا کہ پورے پاکستان میں درخت لگانے کی مہم چلانی ہے، شہروں میں بھی درخت لگائے جائیں گے، نوجوانوں کو ساتھ ملا کر پاکستان کو ہرا بھرا بنائیں گے۔ اس حوالے سے وزیراعظم عمران خان صرف اپنے اعلان تک محدود نہیں رہے ہیں۔وزیراعظم پاکستان عمران خان کی ایک تصویر بھی سوشل میڈیا پر وائرل ہو ئی جس میں وہ دفتر خارجہ کے دفتر کے باہر ایک درخت لگا رہے ہیں۔عمران خان کی اس تصویر پر سوشل میڈیا صارفین نے بھی دلچسپ تبصرے کیے۔اور وزیراعظم پاکستان کی اس کوشش کو سراہا۔اور کہا کہ شکر ہیں ہمیں ایسے وزیراعظم ملے ہیں جو صرف اعلانات تک محدود نہیں ہیں بلکہ عملی طور پر کام بھی کرکے دکھا رہے ہیں۔سوشل میڈیا صارفین نے کہا کہ ہمیں بھی وزیراعظم پاکستان کی طرح اپنے ملک کو سر سبز بنانے کے لیے آگے آنا چاہئیے۔

یاد رہے وزیراعظم عمران خان کی جانب سے اعلان کیا گیا منصوبہ ممکنہ طور پر دنیا کے کسی بھی ملک کی جانب سے اعلان کردہ سب سے بڑا شجرکاری کا منصوبہ ہوگا۔وزیراعظم عمران خان کی جانب سے اعلان کردہ شجرکاری منصوبے کے تحت ایک اندازے کے مطابق ملک بھر میں 10 ارب سے زائد درخت لگائے جائیں گے۔وزیراعظم عمران خان کی جانب سے اعلان کردہ منصوبہ خیبرپختونخواہ بلین ٹری سونامی پراجیکٹ کی طرز پر چلایا جائے گا۔ ماہرین ماحولیات کے مطابق اس منصوبے کے کامیاب ہونے کی صورت میں پاکستان میں ایک بڑی اور مثیبت موسمی اور موحولیاتی تبدیلی رونما ہوگی۔