لاہور(ویب ڈیسک)وزیر اعظم عمران خان کی نااہلی کے لیے لاہور ہائی کورٹ میں درخواست سماعت کے لیے مقرر کردی گئی۔ہائی کورٹ کے جسٹس شمس محمود مرزا جمعہ کو درخواست پر سماعت کریں گے۔آئینی درخواست لائیرز فاؤنڈیشن فار جسٹس کی جانب سے دائر کی گئی ہے جس میں وفاقی حکومت اور

وزیر اعظم عمران خان نیازی کو فریق بنایا گیا ہے۔درخواست میں موقف اختیار کیا گیا ہے کہ نواز شریف کے دور حکومت میں عمران خان نے عوام کو سول نافرمانی کے لیے اکسایا اور ان سے کہا کہ وہ ٹیکس نہ دیں اور بیرون ممالک سے رقوم بھی نہ بھیجیں۔درخواست گزار کا کہنا ہے کہ عمران خان نے اپنے حامیوں سمیت پارلیمنٹ کی عمارت پر دھاوا بولا اور اور گیٹ توڑے، انہوں نے ملکی سالمیت کے خلاف اقدامات کیے اور ملکی سیاسی نظام کو تباہ کرنے کی کوشش کی۔درخواست میں عدالت سے استدعا کی گئی ہے کہ وہ وزیر اعظم عمران خان کو آرٹیکل 62 (ون) (جی) کے تحت نااہل قرار دے اور ان کے خلاف 124 (اے) کے تحت کارروائی کا حکم دے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں
اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔