Prime Minister 3-day visit to Sri Lanka

ترجمان دفتر خارجہ کی جانب سے جاری کیے گئے ایک بیان میں کہا گیا ہے کہ سری لنکا کے ساتھ وقت گزرنے کے ساتھ تعلقات مضبوط ہورہے ہیں اسی وجہ سے وزیراعظم نواز شریف پیر سے سری لنکا کا تین روزہ دورہ کریں گے۔وزیر اعظم نواز شریف کو سری لنکا کے صدرنے دورے کی دعوت دی تھی۔ دورے کے دوران وہ سری لنکا کے صدر سے ملاقات بھی کریں گے جس میں دوطرفہ تعلقات پر تبادلہ خیال کریں گے اور دونوں ممالک کے درمیان متعدد معاہدوں اور یادداشتوں پر دستخط ہونگے۔ وزیر اعظم نواز شریف کولمبومیںوزیر وں،ارکان پارلیمنٹ اور ممتاز تاجروں سے خطاب کریں گے۔