کراچی: وزیراعظم شاہد خاقان عباسی آج کراچی پہنچیں گے جہاں وہ رات قیام بھی کریں گے۔
Prime Minister Shahid Khaqan Abbasi will reach Karachi today
وزیراعظم شاہد خاقان عباسی وزارت عظمیٰ کا منصب سنبھالنے کے بعد 12 اگست کو پہلی بار کراچی کے دورے پر آئے تھے، انہوں نے ایک روزہ دورے میں امن وامان سے متعلق اجلاس کی صدارت کی جب کہ تاجر برادری سے بھی ملاقاتیں کی تھیں۔ ذرائع کے مطابق وزیراعظم آج شام کراچی پہنچیں گے، ایئرپورٹ پر قائم مقام گورنر سندھ آغا سراج درانی ان کا استقبال کریں گے جب کہ وزیراعظم گورنر ہاؤس میں ہی قیام کریں گے۔
ذرائع کا کہنا ہےکہ وزیراعظم آج رات نجی تقریب میں شرکت کریں گے اور کل اینگرو پاور پلانٹ پورٹ قاسم کا دورہ کریں گے جہاں انہیں ایل این جی ٹرمینلز کے انتظامات اور کام پر بریفنگ دی جائے گی۔ ذرائع کا کہنا ہےکہ وزیراعظم ایل این جی ٹرمینل ٹو اور تھری کے کام کا معائنہ بھی کریں گے۔ اس کے علاوہ وزیراعظم، تاجروں اور سرمایہ کاروں سمیت مسلم لیگ (ن) سندھ کے رہنماؤں سے بھی ملاقات کریں گے جس میں کراچی پیکیج سے متعلق بات چیت کی جائے گی۔ واضح رہے کہ اپنے دورہ کراچی میں وزیراعظم نے کراچی اور حیدرآباد کے لیے پیکیج کا اعلان کیا تھا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
