لودھراں:  سرائیکی گلوکارہ ارم شہزادی نے شادی کی تقریب میں سر عام ہوائی فائرنگ کی۔ فائرنگ کی فوٹیج سوشل میڈیا پر آتے ہی وائرل ہو گئی۔ فوٹیج میں دیکھا جا سکتا ہے کہ گلوکارہ نے دونوں ہاتھوں میں پستول تھام کر خوب رنگ جمایا۔ معاملہ میڈیا پر آیا تو پولیس کو بھی ہوش آ گیا۔ پولیس تحقیقات میں مصروف ہے کہ یہ فوٹیج کہاں اور شادی کی کس تقریب کے دوران فلمائی گئی تھی؟ پولیس کا کہنا ہے کہ سراغ ملا تو کارروائی ضرور کریں گے۔