pryanyka Chopra

دنیا بھر میں موجود پرستاروں کی چاہت کی بدولت کامیابی ملی ہے :اداکارہ
ممبئی(یس اُردو) بالی ووڈ اداکارہ پریانیکا چوپڑا کی فنکارانہ صلاحیتوں سے انکار نہیں کیا جاسکتا اور اپنی انہی صلاحیتوں کی بنا پر پریانیکا چوپڑا ان دنوں شہرت کے ساتویں آسمان پر ہیں، ان کی نئی کامیابی یہ ہے کہ انہیں دنیا کی 100بااثر شخصیات میں شامل کرلیا گیا ہے ۔ایک بین الاقوامی جریدے نے دنیا کی سب سے بااثر شخصیات کے بارے میں جاننے کے لیے ایک سروے کروایا۔ سروے رپورٹ کے مطابق دیگر بااثر شخصیات میں بالی ووڈ اداکارہ پریانیکا چوپڑا بھی جگہ بنانے میں کامیاب ہوگئی ہیں۔اپنی اس کامیابی پر پریانیکا چوپڑا نے خوشی کا اظہار کیا اور اپنے ٹوئٹ پیغام میں کہا کہ یہ سب ان کے دنیا بھر میں موجود پرستاروں کی چاہت کی بدولت ہے ۔