PSL in the United Islamabad

شارجہ …..پاکستان سپر لیگ میں آج اسلام آباد یونائیٹڈ اور لاہور قلندر زکی ٹیمیں آمنے سامنے ہونگی ۔میچ جیو سوپر سے براہ راست نشر کیا جائےگا۔
پاکستان سپر لیگ دبئی سے شارجہ پہنچ گئی ہے ، اس گرائونڈ پر سب سے زیادہ ون ڈے میچز کھیلے گئے جبکہ ون ڈے اور ٹی20 ٹوئنٹی کے کئی سنسنی خیز مقابلے بھی اسی گرائونڈ پر ہوئے ہیں۔اب پاکستان سپر لیگ میں اسلام آباد یونائٹڈ اور لاہور قلندر اس میدان پر آمنے سامنے ہونگی۔دونوں ٹیموں کے تین تین میچز کھیل کر دو، دو پوائنٹس ہیں ۔یونائیٹڈ نے گزشتہ میچ میں سخت مقابلے کے بعد کراچی کنگز کو شکست دی تھی جبکہ لاہور قلندر نے ٹورنامنٹ فیورٹ کوئٹہ گلیڈی ایٹرز کو زیر کیا تھا۔میچ پاکستانی وقت کے مطابق رات 9 بجے جیو سوپر سے براہ راست نشر کیا جائےگا۔