PTI France

فرانس : سابقہ سرپرستِ اعلیٰ پاکستان تحریک انصاف فرانس چئیرمین ڈسپلنری کمیٹی حالیہ چیف الیکشن کمشنر مشتاق خان جدون نے ہارس ٹریڈنگ کی تاریخی ناکامی اور کے پی کے میں تحریک انصاف کے امیدواران کی کامیابی پر چئیرمین تحریک انصاف جناب عمران خان کو مبارکباد دیتے ہوئے کہا٬ تحریک انصاف کا ہر قدم کامیابی کی جانب گامزن ہے٬ اس سے پہلے اس ملک میں چھانگا مانگا کی سیاست کا راج تھا٬۔

تحریک انصاف واحد جماعت ہے جو اپنے دلیر رہنما کے ساتھ ہر نئے مرحلے پر نئے حقیقی سیاسی طریقہ کار کو اپناتے ہوئے لوٹ کھسوٹ اور پیسے کی طاقت سے ماورا نظام کی، جانب بڑھ رہی ہے٬۔

مشتاق خان جدون نے مزید کہا کہ عمران خان کا ساتھ دینے کا اسی لئے فیصلہ کیا ہے کہ واحد سیاسی لیڈر ہے جو نہ خود کھاتا ہے نہ کھانے دیتا ہے٬ پارٹی کے ہر شعبے میں شفاف طریقہ کار کو لاگو کرنا گو پاکستان جیسے ملک میں بہت مشکل امر ہے٬۔

لیکن یہ مشکل امر عمران خان بہترین غیر جانبدار افراد کو ہر شعبے میں متعین کرکے کامیاب بنا رہے ہیں ٬ پاکستان کو پرانے سیاسی بدبو دار نظام سے نجات دلانی ہے٬ رشوت ستانی اقرباء پروری اور لین دین کی سیاست کا اب خاتمہ قریب ہے٬ سینیٹ میں کے پی کے کے اراکین کی کامیابی حقیقی جمہوریت کا کامیاب آغاز ہے۔