پاکستان تحریک انصاف کا 24واں یوم تاسیسی، نئے عہد کی تجدید اورنئی منزلوں کی طرف گامزن قیادت اورکارکنوں کو دلی مبارکباد، تحریک انصاف الیکٹد باڈی فرانس
پیرس؍اسلام آباد(ایس ایم حسنین) پاکستان تحریک انصاف فرانس کی الیکٹڈ باڈی کی طرف سے 24ویں یوم تاسیسی پر تحریک انصاف کی ماضی کی جدوجہد کی یاد تازہ کرنے اور نئے افق کی طرف گامزن قیادت کے ساتھ ایفائے عہد کے عزم کا اظہار کیا گیا۔ اس موقع پر وزیراعظم پاکستان جناب عمران خان اور تمام جانثار ساتھیوں کو دلی مبارکباد کا پیغام دیا گیا ہے۔
تحریک انصاف فرانس کی الیکٹڈ باڈی چیئرمین چوہدری گلزارلنگڑیال نے قیادت کو 24 سال سخت جدوجہد اور امیدوں کے چراغ روشن کرنے پر خراج تحسین پیش کیا اور کہا کہ نوجوان ساتھیوں کو ماضی کو مد نظر رکھتے ہوئے مستقبل کی جدوجہد کرنی چاہیے۔
تحریک انصاف فرانس کے صدر ملک عابد جو کہ ان دنوں ٹائیگرفورس کے ہمراہ پاکستان میں فرائض انجام دے رہے ہیں انھوں نے کہا کہ کرونا وبا کے دوران اللہ تعالیٰ نے تحریک انصاف کو کھٹن امتحان سے گزارنے کے ساتھ ساتھ بحران سے لڑنے کی ہمت وحوصلہ اورنئے جذبے بھی عنائت کیے ہیں جوکہ روشن مستقبل کی نوید ہے۔
قائم مقام صدر شیخ نعمت اللہ نے کہا کہ پاکستانی تحریک انصاف کی قیادت پر مکمل بھروسہ رکھتے ہیں اور کرونا بحران نے ایک نئی تحریک انصاف کو جنم دیا ہے جو پہلے سے کہیں زیادہ مضبوط اور آہنی عزم رکھتی ہے۔
جنرل سیکرٹری چوہدری اعجاز جٹ نے کہا کہ تحریک انصاف کی قیادت کے ساتھ ہمیشہ سیسہ پلائی دیوار کی طرح کھڑے رہیں گے ۔ اللہ تعالیٰ نے وزیراعظم عمران خان کی صورت میں ایک مسیحا بھیجا ہے جو اجڑے چمن کو آباد رکھنے کی پوری صلاحیت رکھتا ہے اور انشااللہ وہ پاکستان کو آگے لے کر جائے گا
ایڈیشنل جنرل سیکرٹری چوہدری ماجد چیمہ نے تمام قیادت اور مخلص کارکنان کو خراج تحسین پیش کرتے ہوئے کہا کہ آج ہمیں اپنے بچھڑنے والے ساتھی اورہردلعزیز راہنما معین الحق کو یاد رکھنا چاہیے جنھوں نے وزیراعظم عمران خان کا ہر موقع پر بھرپور ساتھ دیا اور تمام گمنام چہرے جنہوں نے شروع سے آج تک وزیراعظم عمرنا خان کے روشن کیے گئے چراغ کی لوگ کو جلا بخشنے کیلئے ساتھ دیا ور قربانیاں بھی دی ہیں۔ ان تمام کارکنان کیلئے آج کا دن نئے عزم اورنئے مستقل کی نوید ہے۔
مرکزی راہنما چوہدری اشفاق جٹ نے کہا کہ ہم ہر طرح کے حالات اور ہر وبا کا مقابلہ کرنے کیلئے اور کرپٹ سیاستدانوں کیخلاف جہاد میں وزیراعظم عمران خان کا ہراول دستہ رہیں گے اورانشااللہ اب کرپٹ سیاستدانوں کیلئے پاکستان کی سیاست میں کوئی جگہ نہیں رہیگی۔

PTI foundation day 25 April 2020 4