پیرس(یس اردو نیوز، تصاویر: فضل مغل) تحریک انصاف فرانس کی جانب سے انٹرا پارٹی الیکشن میں کامیابی اور عمران خان کو سپریم کورٹ کی جانب سے اہل قرار دیئے جانے پر جشن

PTI, FRANCE, CELEBRATED, SUPREME, COURT’S, HISTORICAL, DECISION, IN, FAVOR, OF, IMRAN KHAN

منایا گیا، سپریم کورٹ پاکستان کی طرف سے عمران خان کو صادق اور امین ڈکلئیر کرنے پر کارکنان نے خدا کا شکر ادا کیا ،اس موقع پر سانحہ اے پی ایس کے شہدا کے لئے ایک منٹ کی خاموشی اور فاتحہ خوانی بھی کی گئی
تقریب پیرس کلینی کورٹ پر حالیہ کھلنے والے نئے ریسٹورینٹ لا سواگت پر رکھی گئی، تقریب میں تحریک انصاف فرانس کے صدر میاں ذولفقار جتالہ،نائب صدر چودہری افضال ڈھل،جنرل سیکرٹری اصغر برہان و سیکرٹری انفارمیشن آصفہ ہاشمی کے علاوہ سرکردہ راہنمائوں نے خطاب کیا ۔اور سپریم کورٹ کی طرف سے عمران خان کو کلیئر قرار دیئے جانے کو تحریک انصاف کی فتح قرار دیا اور کہا کہ حق حلال کی کمائی نواز شریف اور عمران خان کے مقدمات میں بنیادی فرق ہے، عمران خان نے ساری زندگی حلال کمائی کی جبکہ نواز شریف نے کرپشن اور چوری سے حرام کمایا۔ عمران خان نے پیسہ باہر سے پاکستان منتقل کیا جبکہ نواز شریف نے پاکستا ن سے پیسہ باہر بھیجا۔ عمران خان نے سارا پیسہ بینکنگ لیگل چینلز سے پیسہ پاکستان منتقل کیا جبکہ نواز شریف نے غیر قانونی طور پر پیسہ باہر منتقل کیا۔ عمران خان نے ایک ایک چیز کی منی ٹریل دستاوزی کے ساتھ عدالت کو دی جبکہ نواز شریف نے صرف فراڈ، قطری خط دیا اور فلیٹس کی پرچیز ڈیڈ بھی نہیں پیش کی۔ عمران خان نے کبھی پبلک آفس ہولڈ نہیں کیا کرپشن کا سوال ہی نہیں پیدا ہوتا جبکہ نواز شریف سارا وقت پبلک آفس ہولڈ کرتے رہے اور تین سو ارب روپے کی کرپشن کی۔ عمران خان کے تمام ذرائع آمدن اسٹیبلشڈ ہیں، کرکٹ کے شروع کے زمانے سے لے کر آخر تک شواہد کے ساتھ جبکہ نواز شریف کے ذرائع امدن اسٹیبلش نہ ہو سکے ۔
تقریب میں بڑی تعداد میں کپتان کے کھلاڑیوں نے شرکت کی اور اپنے قائد کی ہمت کو سلام پیش کرتے ہوئے ان کی ثابت قدمی اور عزم صمیم پر فخر محسوس کیا جنہوں نے کرپٹ شریفوں کو بے نقاب کرنے کیلئے دن کا چین اور رات کا آرام قربان کیا اور اپنی صاف وشفاف کمائی کے باوجود ایک سال سے زیادہ عرصہ تک تلاشی دی اور سرخرو ہوئے۔ تقریب میں شرکا نے کھانے کے دوران ایک دوسرے کے ساتھ گپ شپ کی اور نئے منتخب تحریک انصاف فرانس کے عہدیداروں کو مبارکباد پیش کی۔ متخب صدراور دیگر عہدیداروں نے اپنے خطابات میں کارکنان کا ان کی قیادت پر اعتماد پر شکریہ ادا کیا اور کہا کہ انشاء الله وہ ان کی توقعات پر پورا اترے گے۔