Pakistani Politics

تحریر : محمد اعظم عظیم اعظم
پاکستانی سیاست کا حال یہ ہے کہ اِس پر کبھی لوٹا، تھالی، بیگن، الو، آم اور ڈالرز کا راج رہا تو کبھی کسی ڈنڈے اور ڈنڈے والے کا راعب اور دبدبا چھایا رہا اور اَب جب یہ سب پاکستانی سیاست میں اپنا گھر بنا چکے ہیں تو اِن دِنوں دُم نامعلوم کہاں سے گُھس آئی ہے؟؟ آج جِسے دیکھو وہ دُم کا ہی کے تذکرے کرتا دِکھائی دیتا ہے، گو کہ دُم پاکستانی سیاست میں کچھ اِس طرح اپنی جگہہ بنا رہی ہے جیسے کہ آنے والے وقتوں میں ساری پاکستانی سیاست دُم اور دُم والے کاہی کام کرتی نظرآئے گی اور پاکستانی سیاست کا دارومدار دُم پر ہو گا، جس کی دُم ہوگی وہ کامیاب ہو گا اور جس کی دُم نہیں ہو گی وہ لُنڈاہوگااور وہ یا تو اُس وقت تک سیاست نہیں کرے گا۔ جب تک کہ وہ دُم والا نہیں ہوجاتاہے اور اگر جن پرانے سیاستدانوں کی اَب تک دُم نہیں ہے تو پھر اُنہیں سیاست سے کنارہ کشی اختیار کرنے سے متعلق ضرور کچھ سوچنا ہو گا۔

بہرحال، سندھ کے سیاستدان سندھ میں نیب اور ایف آئی اے کی بلاجھجک پکڑدھکڑ سے بہت مایوس ہوگئے ہیں، سندھ کے سیاستدانوں اور لیڈروں کا کہناہے کہ سندھ میں نیب او ر ایف آ ئی اے والوں نے مسلسل لیٹ ڈاون کیا ہے، وفاق نے اِن کے ساتھ بہت دھوکاکیا ہے،وفاق نے نیب اور ایف آئی اے کو سندھ میں فری ہینڈ دے کرسندھ کے سیاستدانوں اور لیڈروں کو دیوار سے لگانے کی پالیسی اختیار کی ہوئی ہے،سندھ کے سیاستدان اور لیڈراپنی جگہہ مگر سندھ کے عوام کا بھی یہ خیال ہے کہ وفاق نے عوامی مسائل حل کرنے کے لئے بھی کوئی خاص دلچسپی نہیں لی ہے،وفاق اور سندھ حکومت نے سندھ کے عوام کے ساتھ کئے گئے سماجی معاہدے اور نت نئے وعدوں کا پاس نہیں رکھاہے،دونوں ہی نے سندھ کے عوام کو اپنے اپنے مفادات کے لئے استعمال کیا ہے اور اَب دونوں ہی اپنی لڑائی میں عوام کو بھلابیٹھے ہیںگویاکہ اَب سندھ کے عوام کو اِس کا پختہ یقین ہوگیاہے کہ خواہ سندھ میںپی پی پی کی حکومت ہویا وفاق میں ن لیگ سمیت کسی اور کی بھی حکومت ہو توسب کا کام ہی سندھ کے عوام کو وعدے اور معاہدے اور سبزباغ پر ٹرخانا ہے۔

جیسا کہ گزشتہ دِنوںوفاقی وزیراطلاعات ونشریات پرویزر شید نے اپنے ایک بیان میں نیب کے حوالے سے کہاہے کہ نیب کا موجودہ ڈھانچہ سابق صدر پرویزمشرف نے بنایاتھا اور اِس کے قوانین نوازشریف کے خلاف بنائے گئے تھے تاکہ اِن سے انتقام لیاجاسکے“ جبکہ وزیرِ موصوف کا یہ بھی کہناتھاکہ ”سابق صدرنے اپنے ساتھ ایم کیو ایم اور عمران خان کو بھی ملارکھاتھاجرائم میں شراکت پر اِن لوگوں کے خلاف بھی تحقیقات کی جائیں“ یہاں افسوس کی بات یہ ہے کہ نیب کو ایک قومی احتساب کا ادارہ ہے آج جب یہ ادارہ اپنے اختیارات سندھ میں استعمال کرتے ہوئے پنجاب اور وفاق کی جانب بڑھ رہاہے تو وفاق اور پنجاب کی حکومتوں اور وزیراعظم نوازشریف سے لے کراِن کے وزراءکے تن بدن میں آگ لگ رہی ہے اور وہ نیب سے متعلق ایسے اُلٹے سیدھے بیانات داغے جارہے ہیں کہ اَب ایسالگ رہاہے کہ جیسے جب تک نیب اور ایف آئی اے سندھ میں کرپٹ سیاستدانوں اور پی پی پی کے لیڈروں اور رہنماوں کے خلاف کریک ڈاون کررہے تھے تو یہ قومی فریضہ اداکررہے تھے اور ن لیگ والے وفاق اور پنجاب میں بیٹھ کر نیب اور ایف آئی اے کی دن رات تعریفیں کرتے نہیںتھک رہے تھے اور نیب اور ایف آئی اے کے ورک کو قومی فریضہ قرار دے رہے تھے۔

مگر آج جب اِن دونوں قومی احتساب بیور کے اداروں نے سندھ سے اپنے قدم پنجاب کی جانب بڑھائے ہیں اور پنجاب میں اُوج ثریاکی بلندیوں سے بھی اُونچی کرپشن کو بے نقاب کرنے کے لئے کارروائیاں کررہے ہیں اور پنجاب کے کرپٹ عناصر کے گریبانوں میں ہاتھ ڈال رہے ہیں اور اِن کے کرپٹ دامن چاک چاک کررہے ہیں تو وفاق سے لے کر حکومتِ پنجاب تک بیٹھے ن لیگ والوں کی چیخیں نکل گئیں ہیںکوئی یہ کہتاہے کہ ہماری دُم پر نیب اور ایف آئی اے پاو ¿ں نہ رکھے اگر ہماری دُم پر نیب اور ایف آئی اے کے پاو ¿ ں پڑیں گے تو ہماری آواز اور چیخیں نیب اور ایف آئی اے کی پَر کاٹنے اور ناخن تراشنے کے لئے بہت ہوں گے سو نیب اور ایف آئی اے کو پنجاب میں ن لیگ(شیر) والوں کی دُم پرپاو ¿ں رکھنے کے لئے پہلے اپنا محاسبہ خود کرنا ہو گا۔

NAB

جس پرآج ایک بارپھر قومی اسمبلی میں قائدحزب اختلاف سید خورشید نے نیب اور ایف آئی اے کی پنجاب میں شروع کی جانے والی کارروائیوں پر وفاق اور پنجاب حکومتوں پر طاری لرزہ خیری اور شہباز شریف کی جانب سے دُم کے حوالے سے ن لیگ کو ہدفِ تنقید بناتے ہوئے کہاہے کہ کیا مسلم لیگ (ن) کی دُم اتنی بڑی ہوگئی ہے کہ اِس پر سب کا پاو ¿ںآرہاہے“ تاہم خورشید شاہ نے اپنی رہائش گاہ پر میڈیاسے بات چیت کرتے ہوئے وفاق سے لے کر حکومت پنجاب تک ن لیگ کے رہنماو ¿ں اور سیاستدانوں کو سمجھاتے ہوئے کہاہے کہ”بھائی میں دُم کے حوالے سے بات نہیں کرتا اور نہ ہی اِس طرح کی باتوں کو کرنا چھا سمجھتا ہوں کہ دُم چھوٹی ہوگی اور دُم بڑی ہو گی۔

دُم پرپاو ¿ں آگیا وغیرہ وغیرہ “ اِس موقع پر جب خورشید شاہ یہ کہہ رہے تھے تب راقم الحرف کو ایسا لگاکہ جیسے خورشید شاہ ، یہ سمجھاناچاہ رہے ہوں کہ ”سائیں سیاستدانوں کو ایسے بے مقصد بیانات اور سیاست میں دُم وغیرہ کا کھلے اور دبے لفظوں میں اظہارِ خیال کرنے سے اجتناب برتناچاہیے اور ہر اچھے بُرے وقت کا ہماری طرح مقابلہ کرناچاہیے جیسے کہ پاکستان پیپلزپارٹی نے ہرزمانے کی ہر سیاست کے ہر نازک وقت میں جمہوریت کو بچانے کے لئے نہ صرف مقابلہ کیا بلکہ اپنے زمانے کے آمروں کی آمریت کے سامنے بھی سیسہ پلائی ہوئی دیوار بن کر سامنے آئی ہے۔

آج پی پی پی کی ہی قربانیوں کا صلہ ہے کہ آج مُلک میں ن لیگ جمہوریت کا دَم بھر رہی ہے ورنہ آج آمروں کی آمریت کے خلاف پی پی پی اپنی قربانیاں پیش نہ کرتی تو ن لیگ والوں میں اتنی ہمت نہیں تھی کہ وہ آمروں کا مقابلہ کرتی ،آج جب نیب اور ایف آئی اے والے پنجاب میں کرپٹ عناصر کے خلاف کچھ کرناچاہ رہے ہیں تو ن لیگ کی دُم پر پاو ¿ں پڑرہاہے،اتنے تو ن لیگ والے نازک ہیں بھلایہ کسی آمرکے سامنے کیوں اور کیسے کھڑے ہوتے؟؟ دورِمشرف میں یہ بھی سب نے دیکھ لیاکہ ن لیگ والے کیسے ڈرکر ایک معاہدے کے ساتھ خود جلاوطن ہوگئے تھے، اور افسوس ہے کہ ن لیگ والے نیب اور ایف آئی اے والوں کی کارروائیوں سے ڈررہے ہیں اور خود کو اپنے ہی قومی اداروں کے احتساب سے بچانے کے لئے طرح طرح کی باتیں کرکے نیب کو کام کرنے سے روک رہے ہیں، اِن کی اِن باتوں پر قوم کا ن لیگ کے کرتادھرتاو ¿ں سے بس ایک یہی مطالبہ ہے کہ ”ن لیگ پنجاب میںکرپٹ عناصر کے خلاف نیب کو اپنا کام کرنے دے “ ایسے ہی جیسے سندھ والے اپنے بے شمارتحفظات کے باوجود بھی نیب اور ایف آئی اے کواپنے اور دوسرے کرپٹ عناصر کے خلاف اِن کے کام کرنے دے رہے ہیں۔۔ ختم شُد

Azam Azim Azam

تحریر : محمد اعظم عظیم اعظم
azamazimazam@gmail.com