Qari Farooq Ahmed, Farooqi, presenting, Flowers, to, Haji Gulzar Awan, on, being, Vice President, PPP, Rwp, Division

بلاول بھٹو زرداری میں بی بی شہید کی معصومیت اور ذوالفقار علی بھٹو کا جوش دونوں جھلک رہے ہیں، حاجی گلزار اعوان

پاکستان پیپلز پارٹی راولپنڈی کےنئے صدر سردار سلیم حیدر اورنائب صدر حاجی گلزار اعوان کو بلاول بھٹو فورس راولپنڈی ڈویژن اور پیپلزپارٹی یورپ کے عہدیداروں کی مبارکباد

Bilawal Bhutto Force, with, Sardar Saleem Haider,Haji gulzar Awan, and, PPP, Women, Wing

راولپنڈی(یس اردو نیوز)پاکستان پیپلز پارٹی راولپنڈی ڈیویژن کے مرکزی دفتر کا افتتاح نو منتخب صدر راولپنڈی ڈویژن سردار سلیم حیدر نے کیا اس موقع پر پیپلز پارٹی یورپ کے سابق چیف آرگنائزر قاری فاروق احمد فاروقی اور بلاول بھٹو فورسراولپنڈی ڈویژن کے جنرل سیکرٹری عمران حید رایڈووکیٹ اورسٹی صدر ملک حیدر اور دیگر عہدیداروں نے شرکت کی اور سردار سلیم حیدر خان اور حاجی گلزار اعوان کو صدر اور نائب صدر منتخب ہونے پر مبارکباد پیش کی ۔

سردار سلیم حیدر خان نے قاری فاروق احمد فاروقی کی کوششوں کو سراہا اور پیپلز پارٹی یورپ کے کارکنان کے جذبہ حب الوطنی کو سراہتے ہوئے کہا کہ سات سمندر پار بسنے والے پاکستانیوں اور جیالوں کا پارٹی کے اجلاسوں میں بھرپور شرکت کر نا ہمارے جذبوں کو ابھارتا ہے کہ ہم پارٹی کو مزید اوپر لے جانے میں اپنا کردار ادا کریں۔

سردار سلیم حیدر خان نے بلاول بھٹو فورس کے جنرل سیکرٹری راجہ عمران حیدر اور سٹی صدر ملک حیدر ،جوائنٹ سیکرٹری سید معارف الحسنین، انفارمیشن سیکرٹری شیخ فیاض اور شیخ سہیل کو خراج تحسین پیش کرتے ہوئے بلاول بھٹو فورس کے کام کی تعریف کی اور کہا کہ نوجوان راہنمائوں کو دیکھ کر ہمیں پاکستان پیپلز پارٹی کے مستقبل روشن نظر آرہا ہے

حاجی گلزار اعوان نے خصوصی طور پر انھیں نائب صدر کی مبارکباد دینے کیلئے آنے والے پی پی یورپ کے  قاری فاوق احمد فاروقی کا شکریہ ادا کیا اوران کے اور بلاول بھٹو فورس کو پاکستان پیپلز پارٹی کے مرکزی دفتر میں آمد کو سراہتے ہوئے ان کے کام کی تعریف کی اور کہا کہ یہ وقت ہے کہ ہم تمام اختلافات بھلا کر پارٹی کی از سر نو تعمیر میں اپنا کردار ادا کریں۔ حاجی گلزاراعوان کا کہنا تھا کہ بلاول بھٹو چیئرمین پاکستان پیپلز پارٹی کی شخصیت میں شہید ذوالفقار علی بھٹو کا جاہ جلال اور بی بی شہید کی معصومیت صاف جھلکتے ہیں اس لئے ان کے قدم سے قدم ملا کر ہم ان کی وزارت عظمیٰ تک چین سے نہیں بیٹھیں گے اور بلاول بھٹو فورس جیسی تنظیموں کی ہمیں اشد ضرورت ہے جو پارٹی کے موثر نظریاتی دفاع کی علامت بن کر ابھر رہی ہیں

آخر میں بچھڑ جانے والے اور تمام پاکستان پیپلز پارٹی کے شہید کارکنوں اور جیالوں کی دعا کی گئی اور ان کی مغفرت اور درجات کی بلندی کیلئے اجتماعی دعا کرائی گئی