پاکستان پیپلز پارٹی اوورسیز نظریاتی اورمتحرک کارکنوں پر مشتمل ہے ،   قاری فاروق احمد فاروقی

پیرس(نمائندہ خصوصی) پاکستان پیپلز پارٹی کے دیرینہ کارکن اور مینجنگ ایڈیٹر یس اردو نیوز اور پاکستان پیپلز پارٹی فرانس جیسی آن لائن نیوز ویب سائٹس متعارف کروا کر جمہوری جدوجہد کرنے والے قاری فاروق احمد فارقی 28 سال سے پیپلز پارٹی کا جھنڈا بلند کئے ہوئے ہیں۔ مادر جمہوریت بیگم نصرت بھٹو صاحبہ سے لے کر محترمہ شہید اور چیئرمین بلاول بھٹو زرداری صاحب کے دوروں میں ان کے ساتھ رہ چکے ہیں ۔ہم شہید بھٹو کے جیالے ہیں اور ہر قسم کے حالات میں  پاکستان پیپلز پارٹی کا ساتھ نباتے رہیں گے

پیپلز پارٹی وسطی پنجاب کے صدر چوہدری قمرالزماں کائرہ کے علاقے سے تعلق رکھتے ہیں  اور جیسا کہ پوری دنیا میں ضلع گجرات کے کارکنان پھیلے ہوئے ہیں اور زیادہ تر ضلع گجرات سے تعلق رکھنے والے کارکنان پاکستان پیپلز پارٹی میں اہم عہدوں پر فائز ہیں اور پارٹی کا اثاثہ ہیں۔ اسی طرح قاری فاروق احمد فاروقی بھی پاکستان لالہ موسیٰ اور فرانس میں پاکستان پیپلز پارٹی کی ترویج و ترقی کیلئے شہید بھٹو کا فلسفہ عام کر رہے ہیں

پورے یورپ میں ہمارے   ضلع کے لوگوں کی اکثریت ہے اور 80 فیصد لوگ پاکستان پیپلز پارٹی پورپ میں خدمات بھی انجام دے رہے ہیں۔ ان حالات میں پیپلز پارٹی گجرات کے لوگوں کو عہدے ملنا کوئی اچھنبے کی بات نہیں پاکستان پیپلز پارٹی اوورسیز کمیٹی نے انتہائی جانفشانی سے کام کیا اور انتہائی غیر جانبداری سے مکمل عرق ریزی کے بعد تمام کارکنان سے ملاقاتوں اور انٹرویوز کے بعد متحرک اور ہراول دستہ کارکنان میں سے بہترین کا انتخاب کیا ہے۔

اگر گجرات کو ہی عہدے دیئے جاتے تو ہم سے زیادہ سینئر کوئی نہیں ۔ اگر کائرہ برادران نے کوئی عہدہ دینا ہوتا یا برادری ازم ہوتا تو ہم بھی عہدیدار ہوتے۔ 90 فیصد لوگ جب گجرات سے ہیں تو ان کو عہدوں میں حصہ بھی ملے گا اور وہ کام بھی کریں گے۔ اوورسیز کمیٹی نے انتہائی جانفشانی سے کام کیا ہے۔