اینٹی کرپشن نے شہری سے 15 ہزار رشوت لے کر نوکری دینے کے الزام میں ڈاکٹر کو گرفتار کیا تھا ، او پی ڈی ، ایمرجنسی بند ، مریضوں کو مشکلات

Rahim Yar Khan: Strike at Sheikh Zayed hospital against doctor’s arrest

رحیم یار خان: رحیم یار خان میں ڈاکٹر کی گرفتاری کے خلاف شیخ زاید ہسپتال میں ینگ ڈاکٹرز کی ہڑتال اور احتجاجی مظاہرہ اور اینٹی کرپشن آفس کا گھیراؤ کیا گیا ۔ شیخ زید ہسپتال میں ینگ ڈاکٹرز کی جانب سے ساتھی ڈاکٹر آئی سرجن ڈاکٹر صدیق آزاد کی گرفتاری کے خلاف احتجاج کیا گیا ، ڈاکٹر کو اینٹی کرپشن کی جانب سے 4 روز قبل شہری سے پندرہ ہزار رشوت کے عوض ملازمت دینے کے الزام میں گرفتار کیا گیا ہے ۔ ڈاکٹروں کے احتجاج سے او پی ڈی ، آؤٹ ڈور ، ایمرجنسی بند ہوگئی اور مریضوں کو مشکلات سے دوچار ہونا پڑا ۔ ینگ ڈاکٹر نے محکمہ اینٹی کرپشن کے آفس کا گھیراؤ کیا اور نعرے بازی کی ۔ اس دوران ایک ڈاکٹر شدید گرمی کے باعث بے ہوش ہوگیا جسے پولیس موبائل میں ہسپتال لیجایا گیا ۔ ڈاکٹروں نے مطالبہ کیا ہے کہ ڈاکٹر کو فوری رہا کیا جائے ۔ محکمہ اینٹی کرپشن کا کہنا ہے کہ ڈاکٹرکو رنگے ہاتھوں گرفتار کیا ہے۔