رائیونڈ کے علاقے میں بیٹی کو قتل کرنے والے سفاک باپ کو پولیس نے گرفتار کر لیا، ملزم نے دوران تفتیش قتل کا اعتراف بھی کر لیا۔ پولیس کے مطابق گزشتہ ہفتے رائیونڈ کے علاقے میں منظور نامی شخص اپنی تین بیٹیوں کو بہانے سے کھیتوں میں لے گیا اور انہیں قتل کرنے کی کوشش کی۔ ملزم نے ایک بیٹی 11 سالہ کرن کو چھریوں کے وار سے قتل کر دیا جبکہ دیگر دو بیٹیوں نے شور مچایا دیا جس کے باعث ملزم موقع سے فرار ہو گیا۔ پولیس نے مقدمہ درج کر کے ملزم کی گرفتاری کی کوشش شروع کر دی اور آج صبح اسے گرفتار کر لیا۔ ملزم نے ابتدائی بیان میں اعتراف جرم کر لیا ہے تاہم قتل کرنے کے محرکات تاحال واضح نہیں ہو سکے۔