پیرس (نمائندہ خصوصی) پاکستان مسلم لیگ ق فرانس کے سینئر راہنما اور چیئرمین ہمالیہ ریسٹورنٹ فرانس راجہ مظہر ذمہ واریہ کی ضمنی انتخابات میں چوہدری برادران کی انتخابی مہم میں شرکت کیلئے خصوصی طور پر پاکستان آمد ہوئی۔ راجہ مظہر ذمہ واریہ نے خصوصی طور پر یس اردو نیوز کے ساتھ گفتگو کرتے ہوئے کہنا تھا کہ چوہدری برادران کی طرف سے چوہدری پرویز الہی کے فرزند چوہدری مونس الہی اور چوہدری شجاعت حسین کے فرزند چوہدری سالک حسین پاکستانی سیاست کا درخشاں ستارہ ہیں ۔ متوسط طبقے کو صحیح معنوں میں اعلیٰ ایوانوں میں پہنچانے کا سہرا ان کے سر ہے۔ راجہ مظہر ذمہ واریہ نے کہا ہے کہ وہ خصوصی طور پر چوہدری برادران کی طرف سے مقرر کردہ ضمنی انتخابات کے امیدواروں کی انتخابی مہم کیلئے پاکستان تشریف لائے ہیں انشااللہ چوہدری برادران کی کامیابی کے بعد واپس فرانس جائیں گے۔
گجرات کے عوام چوہدری برادران کو اپنا مسیحا سمجھتے ہیں اور وہ ضمنی انتخابات میں ثابت کریں گے کہ چوہدری برادران ان کے دلوں کی دھڑکن میں رہتے ہیں ۔
