Raja Mohammad Aslam

سرائے عالمگیر(نمائندہ خصوصی) پاکستان کو اللہ تعالی نے ہر قسم کے قدرتی وسائل اور افرادی قوت سے مالا مال کیا ہے لیکن طویل عرصہ گزرنے کے بعد بھی ہمارے سیاستدانوں کی بددیانتی کے باعث ملک و ملت کی حالت زار بہتر نہیں ہو سکی اور جو مسائل آج سے 30سال قبل تھے جوں کے توں ہیں ان خیالات کا اظہار امریکہ میں مقیم کاروباری و سماجی شخصیت آفتاب راجہ نے راہنما مسلم لیگ ن راجہ محمد اسلم کے ہمراہ دورہ ایوان صحافت سرائے عالمگیر کے موقع پر میڈیا سے بات چیت کے دوران کہا کہ بیرونی ممالک میں مقیم ہم اوور سیرز پاکستانی اپنے ملک کے سفیر ہیں اور الحمداللہ ہم اپنے ملک کا نام روشن کر رہے ہیں ،اگر ہمارے سیاستدان بھی اپنی اصلاح کر کے تعمیر ملک و ملت کے جذبہ کو اپناتے ہوئے اپنا قبلہ درست کر کے دیانتداری سے کام کریں تو وطن عزیز پاکستان ترقی یافتہ ممالک کی صف میں شامل ہو کر اقوام عالم میں اہم مقام حاصل کر سکتا ہے اور برسوں سے محروم قوم کو ان کے بنیادی انسانی حقوق اور تمام تر جدید سہولیات میسر آ سکتی ہیں۔