شہباز شریف نے 100ارب میں تین میٹروبسیں چلادیں جبکہ تنقید کرنے والے عمران خان کی حکومت 200 ارب میں ایک بی آرٹی نہ بناسکی، رانا محمود خان

پیرس/اسلام آباد(ایس ایم حسنین) پاکستان مسلم لیگ ن یورپ کے جنرل سیکرٹری رانا محمود خان نے حکومت پر شدید تنقید کرتے ہوئے کہا ہے کہ شہباز شریف عظیم لیڈر ہیں جنہوں نے میٹرو بس کے زریعے صوبے کے تین بڑے شہروں کو ٹریفک کے مسائل سے پاک کیا اور اتنے شفاف منصوبے لگائے اور اتنی کم لاگت میں لگائے کہ تین میٹرو بسوں سے دوگنی لاگت پر تنقید کرنے والے عمران خان کی حکومت ایک بی آرٹی مکمل نہیں کرسکی۔

انہوں نے کہا کہ پشاور ہائیکورٹ کو بی آر ٹی میں مجرمانہ غفلت برتنے پر حکومت خیبرپختونخوا کیخلاف تحقیقات کا حکم دینا پڑا۔ ۔جو منصوبے بغیر کسی ویژن اور پلائننگ شروع ہوں ان کو حشر ایسا ہی ہوتا ہے۔شہبازشریف نے سو ارب میں تین میٹرو بسیں چلادی عمران خان دوسو ارب میں ایک میٹرو بس نہیں چلاسکے۔ملک نا اہل اور نالائق شخص سے بجانے کا واحد حل ان ہائوس تبدیلی یا نئے انتخابات ہیں۔اگر ان کو مزید موقعہ دیا گیا تو یہ پورے ملک کو پشاور کے کھنڈرات میں تبدیل کردینگے۔