Rasheed

ننکانہ صاحب(محمد قمر عباس)متروکہ وقف املاک بورڈ کے چیئر مین صدیق الفاروق نے کہا ہے کہ تین ماہ کے اندر اندر ننکانہ ٹاؤن پلاننگ کو حتمی شکل دے دی جائے گی ،ڈی سی او ننکانہ ڈاکٹر عثمان علی خان انتہائی کرپٹ اور نا اہل افسر تھا ،ڈی سی او کے خلاف انکوائری کروائی جائے تو کروڑوں روپے کی کرپشن ثابت ہو گی ،ناجائز تعمیرات کے خلاف کاروائی کے لئے پولیس محکمہ اوقاف کی مدد کرنے کی پاپند ہے ،قبضہ مافیا کے خلاف ہر صورت کاروائی ہو گی ان خیالات کا اظہار انہوں نے ایڈ منسٹریٹر اوقاف ننکانہ زون وہاب گل ،ڈپٹی ایڈ منسٹریٹر محمد اسحاق ،جنرل سیکرٹری پاکستان سکھ گوردوارہ پر بندھک کمیٹی سردار گوپال سنگھ چاولہ اور ڈی ایس پی ننکانہ سرکل شفقت رشید کے ہمراہ گوردوارہ جنم استھان ننکانہ صاحب میں میڈیا سے گفتگو کرتے ہوئے کیاانہوں نے کہا کہ اوقاف بورڈ کی زمین ہمارے پاس امانت ہے اور میرا ماضی گواہ ہے کہ میں نے کبھی امانت میں خیانت نہیں کی اور نہ ہی کبھی کروں گاانہوں نے کہا کہ ننکانہ پر تشدد واقعات پر وزیر اعظم کی طرف سے بنائی گئی کمیٹی نے اپنی رپورٹ تیار کر لی ہے جو وزیر اعظم کی وطن واپسی پر انہیں پیش کی جائے گی ،اوقاف بورڈ کی زمین کے بارے قانون کی عملداری کو ہر صورت یقینی بنایا جا ئے گا ،انہوں نے مزید کہا کہ ہم چاہتے ہیں کہ محکمہ اوقاف کی زمین پر بنائے گئے 3200 سے زائد چھوٹے گھروں کو محکمہ کا کرایہ دار بنایا جا ئے جس سے نہ صرف رہائشیوں کو فائدہ ہو گا بلکہ محکمہ کی آمدن میں بھی اضافہ ہو گا ،بعد ازاں صدیق الفاروق مسلم لیگ ن اقلیتی ونگ کے ضلعی صدر ننکانہ صاحب سردار کلونت سنگھ کے انتقال پر ا ن کے اہل خانہ سے اظہار تعزیت کرنے ان کے گھر گئے اور سردار کلونت سنگھ کے انتقال پر گہرے رنج و غم کا اظہار کیا ۔