فلم جگا جاسوس سے گووندا کے کردار کو نکالے جانے پر رشی کپور نے خوب برہمی کا اظہار کیا اور اب گووندا نے حوصلہ افزائی کرنے پر ان کا شکریہ ادا کیا ہے۔

Rashi Kapoor angry on extract Govinda’s role from film Jagga jassos

14 جولائی کو ریلیز ہونے والی رنبیر کپور کی فلم “جگا جاسوس” عوامی توقعات پر پورا نہ اتر سکی جس کے بعد رشی کپور اور دیگر سینئر اداکاروں کی جانب سے ہدایت کار انوراگ باسو پر برس پڑے ہیں۔ فلم میں مرکزی کردار ادا کرنے والے اداکار رنبیر کپور کے والد رشی کپور نے گووندا کے کردار کو فلم کے فائنل کٹ سے نکالنے پر ہدایت کار انوراگ باسو پر خوب غم و غصے کا اظہار کیا جس پر گووندا نے رشی کپور کا شکریہ ادا کیا۔ گووندا کا کہنا تھا کہ مجھے اس بات کی خوشی ہے کہ رشی کپور کو میرا خیال آیا اور انہوں نے مجھے اچھے الفاظ میں یاد کیا، رشی کپور ایک تجربہ کار اور بہترین اداکار ہیں، ان کا نام بالی وڈ کے بڑے ستاروں میں شامل ہے۔  گووندا کے مطابق ان کے کردار کو فلم جگا جاسوس سے نکالے جانے پر انہیں کوئی پیشمانی نہیں کیوں کہ انہوں نے کپور خاندان کی محبت میں کردار ادا کرنے کی حامی بھری تھی تاہم ہدایت کار انوراگ باسو نے تجربہ کار ہدایت کاری نہیں کی اور انہیں انوراگ باسو سے اس کی قطعی امید نہیں تھی۔