Shahbaz Sharif

لاہور: وزیر اعلیٰ پنجاب شہباز شریف نے ویڈیو لنک کے ذریعے کابینہ کمیٹی برائے امن امان کے اجلاس سے خطاب کرتے ہوئے کہا کہ راولپنڈی پولیس کی فائرنگ سے دو بھائیوں کی ہلاکت انتہائی افسوسناک ہے۔

ناکے پر نہ رکنے کے باوجود براہ راست فائرنگ کا کوئی جواز نہیں بنتا۔ ایک گھر اجڑ گیا جاں بحق ہونےوالے بھائیوں کی ماں اور بہنوں کو کون جواب دے گا ؟۔ وزیر اعلیٰ پنجاب نے کہا کہ راولپنڈی پولیس کے اہلکار انتہائی غیر پیشہ ورانہ انداز میں غیر انسانی فعل کے مرتکب ہوئے ہیں۔

آر پی او اور ڈی پی او راولپنڈی نے پولیس کی تربیت کے حوالے سے کوئی کام نہیں کیا۔ شہباز شریف کا کہنا ہے بے گناہ بھائیوں کی زندگیاں تو واپس نہیں لا سکتے لیکن انصاف ضرور ہوگا۔

وزیر اعلیٰ پنجاب شہباز شریف نے ناراضی کا اظہار کرتے ہوئے کہا کہ ایسے واقعات ناقابل برداشت اور پولیس کی کارکردگی پر سوالیہ نشان ہیں۔