حلیم اوربردبارترین سیاستدان چوہدری قمرالزماں کائرہ کو اللہ کریم بیٹے کی جدائی کے عظیم ترین امتحان میں سرخرو فرمائیں، رضیہ چوہدری

یوکے(نمائندہ خصوصی)پاکستان پیپلزپارٹی یوکے نارتھ زون کی  صدر رضیہ چوہدری نے چوہدری قمرالزماں کائرہ کے بیٹے اسامہ قمر کی وفات پر اظہار تعزیت کرتے ہوئے کہا ہے کہ اللہ نے عظیم باپ سے عظیم امتحان لیا ہے۔

دعا گو ہیں اللہ کریم انہیں صبر واستقامت کے ساتھ اس امتحان میں سرخرو فرمائے اور جس صبر وشکر اوربرداشت کا انہوں نے مظاہرہ کیا وہ قابل تحسین اوریقیناً بے حد اجر وثواب کا پیش خیمہ ہے۔

اللہ کریم ان کےبیٹے کے درجات بلند فرمائیں اور ان کو اورانکے اہلخانہ کو اس سانحے کے بدلے میں عظیم کامیابی اوردرجات عطا فرمائیں۔ الہی آمین