اوکاڑہ (ویب ڈیسک) اوکاڑہ کے نواحی گاؤں میں کمسن بچوں پر انسانیت سوز تشدد کی ویڈیو سوشل میڈیا پر وائرل ہو نے کا وزیراعلیٰ پنجاب عثمان بزدار نے نوٹس لے لیا اور ان کے نوٹس پر انتظامیہ حرکت میں آئی اور بالآخر تشد د کرنیوالے شخص کو حراست میں لے لیا گیا ۔

تفصیلات کے مطابق ماں سے ملنے کے لئے جانے والے کمسن بھتیجوں کو چچا الٹا لٹکا کر وحشیانہ تشدد کا نشانہ بناتا رہا۔ بچوں کی ماں ناراض ہو کر میکے گئی ہوئی ہے اور بچے اپنی والدہ سے ملنے گئے تھے، سفاک ملزم کے تشدد سے بچے تڑپتے رہے۔ زاروقطار روتےرہے-وزیر اعلی کے نوٹس پر ضلعی انتظامیہ حرکت میں آگئی اور ملزم کو فوری گرفتارکرلیا گیا جبکہ اسسٹ کمشنراوکاڑہ کی زیرنگرانی افسوسناک واقعے کی تحقیقات کی جارہی ہیں اور ان کو ہدایات جاری کی گئی ہیں کے متاثرہ بچوں کے گھر والوں سے فوری رابطہ کریں۔ یاد رہے کہ اوکاڑہ کے نواحی گاؤں 40-4Lمیں ایک ایسا انسانیت سو زواقعہ پیش آیا ہے ایک گاؤں میں ظالم چچا نے معمولی سی بات پر اپنے تین ننھے مُنے بھتیجوں پر ظلم کی انتہا کر دی۔ یہ شقی القلب شخص بچوں کو اُلٹا لٹکا کر مارتا رہا۔بات صرف اتنی سی تھی کہ ان معصوم بچوں کی والدہ چند روز قبل کسی بات پر ناراض ہو کر اپنے میکے چلی گئی۔ بچوں کو ماں کی یاد ستائی تو قریب ہی واقع اپنے ننھیال گھر میں چلے گئے اور والدہ سے ملاقات کر کے واپس آگئے۔ بدقسمتی سے بچوں کے درندہ صفت چچا کو اس بات کی خبر ہو گئی تو اُس نے بچوں کے گھر واپس آنے پر اُنہیں شدید تشدد کا نشانہ بنا ڈالا۔ چچا نے تینوں بچوں کو باری باری مارا۔ ایک بچے کو کپڑے سے باندھ کر لٹکایا اور پھر مارتا رہا۔ بچے روتے رہے فریاد کرتے رہے، پر ظالم انسان کو ترس نہ آیا بچوں نے بار بار معافی بھی مانگی، مگر یہ شخص ٹس سے مس نہ ہوا۔عینی شاہدین کے مطابق وہاں اور بھی لوگ موجود تھے بلکہ وحشی صفت انسان کے خوف سے کسی کو اتنی جرات نہ ہوئی کہ اس شخص کو اس کی ظالمانہ حرکت سے باز رکھ سکے۔ میڈیا کے مطابق اوکاڑہ کے ڈی پی او جہانزیب نذیر خان نے نوٹس لے لیا جس کے بعد مقامی پولیس نے ملزم کو گرفتار کر کے حوالات منتقل کر دیا ہے۔ اس واقعے کی ویڈیو موقع پر موجود ایک شخص نے بنا کر وائرل کر دی ہے۔ جس کے بعد سوشل میڈیا صارفین شدید غم و غصے کا شکار ہیں اور اس درندہ صفت شخص کو سخت سے سخت سزا دینے کا مطالبہ کر رہے ہیں۔ تاکہ دیگر لوگوں کو مستقبل میں ایسا کرنے کی ہمت نہ پڑے۔