سابق وفاقی مشیر برائے پیٹرولیم ڈاکٹر عاصم حسین کو رہا کردیا گیا، رہائی کے بعد ڈاکٹر عاصم جناح اسپتال سے روانہ ہوگئے۔

Released to the Dr. Asim Hussain

ڈاکٹر عاصم کے وکیل نے میڈیا سے گفتگو کرتے ہوئے بتایا کہ ثابت کریں گے کہ ڈاکٹر عاصم کے خلاف ریفرنس جعلی ہے۔ انہوں نے کہا کہ چودھری نثار سے درخواست ہے کہ ای سی ایل کا مسئلہ حل کردیں، مسئلہ حل نہ ہوا تو ہم عدالت کا دروازہ کھٹکھٹائیں گے۔ انسداد دہشت گردی عدالت سے پاسپورٹ ملنے اور سندھ ہائی کورٹ میں جمع کرانے پر چیف جسٹس کی ہدایت پر آج ان کے ریلیز آرڈر جاری کردئیے گئے تھے۔  سندھ ہائیکورٹ نےڈاکٹر عاصم کے رہائی کے احکامات جاری کیےتھے تاہم پاسپورٹ نہ لانے پر عدالتی عملے نے ضمانتی مچلکے جمع کرنے سے انکار کردیا تھا۔ اس سے پہلے انسداد دہشت گردی کی عدالت نے ڈاکٹر عاصم کی پاسپورٹ واپس کرنے کی درخواست منظور کی،اے ٹی سی کورٹ نے انہیں دونوں پاسپورٹ واپس کرنے کے احکامات دئیے۔ انسداد دہشت گردی کی عدالت میں ڈاکٹر عاصم کے دونوں پاسپورٹ دہشت گردوں کے علاج کی فراہمی کے کیس میں جمع تھے۔