May 21 – Federal Minister for National Food Security and Research Sikandar Hayat Khan Bosan addressing at the 85th General Session of OIE. APP

پاکستان جانوروں کی بیماریوں کے کنٹرول اور غربت کے خاتمے کیلئے عالمی تنظیم برائے جانوروں کی صحت کے ساتھ اپنی شراکت کو بہت اہمیت دیتا ہے۔
یہ بات جناب سکندر حیات خان بوسن وفاقی وزیر برائے نیشنل فوڈ، سکیورٹی و ریسرچ نے او آئی ای کے 85 جنرل سیشن جو کہ آج پیرس میں منعقد ہوا میں اپنی تقریر کے دوران کہی۔ اس تقریب میں 180 ممالک کے مندوبین کے علاوہ علاقائی اور بین الاقوامی تنظیموں کے مبصرین نے بھی شرکت کی۔
ابتدائی سیشن سے خطاب کرتے ہوئے وفاقی وزیر نے کہاکہ جانوروں کی صحت کیلئے عالمی تنظیم کا کردار خاص طور پر پاکستان جیسے ترقی پذیر ممالک میں دیہی سماجی و اقتصادی ترقی، خوراک کے تحفظ اور غربت کے خاتمے کیلئے بہت ہم ہے۔
پاکستان کی اقتصادی اور معاشی ترقی میں جانوروں کی صحت اور انکی مناسب دیکھ بھال بہت اہمیت رکھتی ہے۔ انہوں نے کہا کہ پاکستان میں 80 لاکھ سے زیادہ خاندانوں کی آمدنی کا دارومدار جانوروں سے متعلق کاروبار سے ہے۔ انہوں نے پاکستان میں حیاتیات کو درپیش خطرناک کا اظہار کرتے ہوئے کہا کہ پاکستان میں جانوروں کو لاحق بیماریوں پر قابو پانے کی بھرپور کوششیں کی جا رہی ہیں۔ انہوں نے او آئی ای کی تعریف کرتے ہوئے کہا کہ اوآئی ای ترقی پذیر ملکوں میں جانوروں کو درپیش صحت کے مسائل سے نمٹنے کیلئے بیش قیمت مدد فراہم کر رہی ہے۔
جناب وفاقی وزیر نے مزید کہا کہ پاکستان نے کامیابی سے Rinderpest کی بیماری پر 2007 میں قابو پالیا تھا۔ جبکہ ملک سے برڈ فلو کا خاتمہ 2008 میں کر دیا تھا۔ انہو ں نے کہا کہ پاکستان نے قومی پروگرام پر عمل درآمد کررہا ہے جس کے تحت جانوروں میں کھروں اور منہ کی بیماریو ں سے نجات دلانے میں مدد ملے گی۔
وفاقی وزیر نے امید ظاہر کی کہ عالمی ادارہ براوے صحت حیاتیات، ترقی پذیر ملکوں میں رہنما اصول مرتب کرے گا۔ تاکہ جانوروں کو درپیش بیماریوں سے سائنسی بنیادوں پر قابو پانے میں مدد مل سکے۔
بین الاقوامی ادارہ برائے صحت حیاتیات کے چار روزہ اجلاس کے موقع پر دنیا بھر سے آئے ہوئے مندوبین ادارہ کے اجلاس کے ذریعے سے مختلف ملکوں میں جانوروں کی صحت کے بارے میں معیار کو بہتر کریں گے تاکہ جانور وں کے سلسلے میں بیماریوں پر قابو پانے کے طریقوں کو بہتر بنیا جاسکے اور جانوروں کی بین الاقوامی تجارت کو محفوظ بنانے کے ساتھ ساتھ ان کی صحت کے معیار کو بھی بہتر بنایا جاسکے۔