محترمہ شہید کا 66واں یوم یدائش اسلامی دنیا کی عظیم لیڈر کو سرخ سلام، ملک خداداد اور بھٹو خاندان پر اللہ تعالیٰ کے بے پایاں احسانات میں سے ایک محترمہ شہید جیسی ہستی عطا کرنا ہے۔روحی بانو

پیرس؍اسلام آباد(ایس ایم حسنین) پاکستان پیپلز پارٹی فرانس وومن ونگ کی صدر روحی بانو نے محترمہ شہید کے 66ویں یوم پیدائش پراپنے پیغام میں کہا کہ بی بی شہید کا یوم پیدائش انتہائی عقیدت واحترام سے منایا جارہا ہے۔ پاکستان پیپلزپارٹی فرانس کی طرف سے اور ہمارے  تمام کارکنان اور راہنمائوں کی طرف سے چیئرمین بلاول بھٹو زرداری، محترمہ بختاور بھٹو زرداری، محترمہ آصفہ بھٹو کواور تمام جیالوں کو خصوصی طور پر مبارکباد پیش کرتےہیں۔

انہوں نے کہا کہ اسلامی دنیا کی صف اول کی خاتون راہنما محترمہ بے نظیر بھٹو کا یوم پیدائش ہمیں اس عظیم ہستی کی یاد دلاتا ہے جس نے اپنے والد کی تعلیم و تربیت کی اس طرح لاج رکھی کے عورت کے نام کو بام عروج بخشا۔ہم سب کو چاہیے کہ ان کے نقش قدم پر چل کر پاکستان پیپلز پارٹی کو اس ملک کی واحد جماعت قائم رکھیں جو ہر طرح کی سیاسی اخلاقیات کی امین رہے اور ملک کو اسلامی فلاحی ریاست بنانے کے مشن کو جاری وساری رکھے۔ انہوں نے کہا کہ ملک خداداد اور بھٹو خاندان پر اللہ تعالیٰ کے بے پایاں احسانات میں سے ایک محترمہ شہید جیسی ہستی عطا کرنا ہے۔