سلمان خان نے اپنے بالی ووڈ کیریئر میں ہر طرح کے کردار ادا کئے لیکن وہ انڈسٹری میں کسی بھی کردار کے حوالے سے کوئی نہ کوئی اصول ہدایتکار کے سامنے رکھتے ہیں تاہم اب اگلی فلم میں اداکار نے بے باک مناظر کی عکسبندی سے صاف انکار کر دیا ہے۔ رپورٹس کے مطابق سلمان خان نے کچھ عرصہ قبل ہی اس بات کا اعلان کیا تھا کہ اب وہ کسی بھی فلم میں منفی کردار سمیت بے باک مناظر کی عکسبندی نہیں کرائیں گے۔ اسی حوالے سے انہوں نے اپنی نئی آنیوالی فلم ریس 3 کیلئے بے باک مناظر کی عکسبندی سے انکار کرتے ہوئے کہا کہ فلم مزاح پر مبنی ہونی چاہیے، اسکے ذریعے وہ مداحوں کی توجہ حاصل کرنا چاہتے ہیں، وہ نہیں چاہتے کہ فلم ایسی ہو کہ دیکھنے والے اس کو دیکھتے ہوئے بے چین ہوجائیں یا اس میں ایسے مناظرنہ ہوں جو فیملی کیساتھ نہ دیکھے جاسکیں۔ دوسری جانب سلمان خان نے فلم کا ایک سین بھی کٹوا دیا جس میں منشیات بھی دکھائی جانی تھی کیونکہ وہ نہیں چاہتے کہ بچے یا نوجوان منشیات کی جانب راغب ہوں۔