کراچی: فیشن ڈیزائنر ثنا شاہنواز نے صدقے تمہارے اور من مائل کی شاندار کامیابی کے بعد نئی ڈرامہ سیریل    خدا میرا بھی ہے    کی تیاریاں شروع کر دیں ، انہوں نے اپنی والدہ ثمینہ ہمایوں سعید کے ساتھ پروڈکشن ہاؤس بھی بنالیا ۔ نیکسٹ لیول انٹرٹینمنٹ کے تحت پہلی پروڈکشن   خدا میرا بھی ہے    کے لئے طارق شاہ کو معاون پروڈیوسر کے طور پر شامل کیا گیا ہے ۔ سیریل کی کاسٹ میں عائشہ خان، جبران ، فرقان قریشی ، صبا حمید ، محمود اسلم ، ارسا غزل ، عمران اشرف ، حرا ترین اور مریم سلیم شامل ہیں ۔ اس سیریل کی ہدایت کاری شاہد شفاعت دے رہے ہیں ، سیریل کا سکرپٹ اسما نبیل نے تحریر کیا ہے ۔ ثنا شاہنواز نے گفتگو کرتے ہوئے کہا کہ من مائل اگرچہ ایک کمرشل پراجیکٹ تھا ، اب بطور پروڈیوسر مختلف کہانیوں پر تجربہ کرنا چاہتی ہوں ۔