Sangla Hill raid 5 power

سانگلہ ہل(میاں ضیاء المصطفٰے) لیسکو سب ڈویژن سٹی کی محمدبابر،محمدارشد،اورشمشادامجداور لیسکو سب ڈویژن احمدآبادکی محمدرفیق ،محمدعظیم،محمدصفدراورمحمدعمران پر مشتمل ٹیموں نے مختلف دیہات میں چیکنگ کے دوران پانچ بجلی چورپکڑلئے ۔تفصیلات کے مطابق چک ہنجلی میں مقدس اورحسن ،چک 291 ذخیرہ میں ظفراللہ،چک 46 چٹھے میں غلام مجدد،چک41 کوٹلہ کلاں میں اشرف اور چک22 کوٹ رحمت میں شاہنواز واپڈا کی بجلی کے مین سپلائی تاروں میں ڈائریکٹ کنڈیاں ڈال کراپنے اپنے گھروں میں بجلی کا بے دریغ استعمال کررہے تھے جو چیکنگ کے دوران رنگے ہاتھوں پکڑے گئے ،واپڈا ٹیموں نے کاروائی کے دوران بجلی کی چوری میں استعمال ہونے والے تارقبضہ میں لے لئے ۔اسسٹنٹ مینجرآپریشن لیسکو سب ڈویژن سٹی اور اسسٹنٹ مینجر آپریشن لیسکو احمدآباد کی رپورٹس پربجلی چوروں کے خلاف الگ الگ مقدمات درج کردیئے۔