Sardar Kulwant

ننکانہ صاحب(محمد قمر عباس)سکھ کمیونٹی کے رہنماء اور مسلم لیگ ن اقلیتی ونگ ضلع ننکانہ صاحب کے صدر سردار کلونت سنگھ حرکت قلب بند ہو نے سے اچانک گزشتہ روز انتقال کر گئے ، ان کی آخری رسومات ننکانہ صاحب میں ادا کر دی گئیں،متروکہ وقف املاک بورڈ کے چیئر مین صدیق الفاروق ،مسلم لیگ ن کی رکن قومی اسمبلی ڈاکٹر شذرہ منصب علی کھرل ،پاکستان سکھ گوردوارہ پر بندھک کمیٹی کے چیئر مین سردار تارا سنگھ ،جنرل سیکرٹری سردار گوپال سنگھ چاولہ سمیت دیگر نے سردار کلونت سنگھ کے انتقال پر اظہار افسوس کرتے ہوئے کہا ہے کہ مرحوم انتہائی ملنسار اور پاکستان سے محبت کرنے والے انسان تھے جنہوں نے اپنی ساری زندگی ملک سے محبت اور امن کا پیغام پھیلانے میں گزاری ،پوری سکھ کمیونٹی کے ساتھ ساتھ پاکستانی قوم کو بھی ان پر فخر ہے ۔