پیرس، پاکستان فیسٹول فرانس2019کی کامیابی  میں گرانقدرخدمات اورتعاون پرکمیونٹی ، سفارتخانہ پاکستان، معزز مہمانوں، میڈیااورسیاسی سسماجی شخصیات کا تہہ دل سے مشکور ہوں، سردار ظہور اقبال

پیرس؍اسلام آباد(ایس ایم حسنین) پاکستان فیسٹول فرانس کے سیکرٹری فنانس سردار ظہور اقبال نے پاکستان فیسٹول فرانس 2019 کی کامیابی کیلئے گرانقدرخدمات پرخراج تحسین پیش کرتے ہوئے تمام معزز مہمانوں، سفارتخانہ پاکستان، کمیونٹی ، میڈیا اورسیاسی وسماجی شخصیات کاشکریہ ادا کیا اور کہا کہ وہ خاص طور پر تمام معزز مہمانوں کے شکر گزار ہیں جو ان کی دعوت پر فیسٹول کا حصہ بنے اور اپنی تمام ترمصروفیات کے باوجودپاکستان فیسٹول کو رونق بخشی۔ انہوں نے کہا کہ  پاکستان کے نامور صحافی اوردانشور جناب سہیل وڑائچ، سفیر پاکستان جناب معین الحق، لارڈ نذیر احمد اوریورپ بھر سے خصوصی طورپر فیسٹول کا حصہ بننے والے معزز مہمان گرامی اورتمام احباب کو تہہ دل سے مشکور ہوں ۔ جنہوں نے ہم پراعتماد کیا اور ہماری حوصلہ افزائی کیلئے تشریف لائے۔