سعودی عرب میں جو شخص 5ہزار ریال سے زیادہ کے زیورات یا سونا خریدے گا وہ منی لانڈرنگ کے دائرے میں آجائے گا۔ دکاندار کو حق ہوگا کہ انسداد منی لانڈرنگ ادارے کواطلاع دے دے۔

Saudi Arabia, five thousand to buy gold become the suspect of money-laundering

اسی طرح کوئی شخص کسی خارجی بینک گارنٹی کی بنیاد پر پلاٹ یا عمارت خریدے گا تو اس پر بھی یہی اصول نافذ ہو گا لہذا اس سودے میں شریک تمام فریق اس کی اطلاع متعلقہ ادارے کو دینے کے پابند ہوں گے ۔وزارت تجارت و سرمایہ کاری نے غیر منقولہ جاےئیدادوں اور قیمتی پتھروں کا کاروبار کرنیوالی دکانوں پر بڑے پیمانے پر چھاپے مارنے کا جامع منصوبہ تیار کرلیا۔جدہ ایوان صنعت و تجارت میں قیمتی پتھروں کی نگراں کمیٹی کے ڈپٹی چیئرمین محمد عزوز نےمقامی اخبار’ عکاظ‘ کو بتایا کہ اگر کوئی شخص 5 ہزار ریال تک زیورات یا سونا خریدے گا تو کوئی مسئلہ نہیں۔ اگر اس سے زیادہ مالیت کا سونا یا زیور خریدے گا تو دکاندار کو اس کی اطلاع انسداد منی لانڈرنگ ادارے کو دینا ہوگی۔