Saudi Arabia, Pakistan and Iran

اسلام آباد……پاکستان، سعودی عرب اور ایران میں کشیدگی ختم کرانے کیلئے سرگرم ہوگیا۔ وزیراعظم نوازشریف اور آرمی چیف جنرل راحیل شریف پہلے پیر کو سعودی فرماں روا سے ملیں گے، پھر ایرانی صدر سے مشاورت ہوگی۔ اہم پیشرفت کا امکان ہے۔
پاکستان نے سعودی عرب اور ایران میں کشیدگی ختم کرانے کے لیے اہم کردار ادا کرنے کا فیصلہ کر لیا۔سعودی عرب ہے برادر اسلامی ملک ،ایران ہے قریبی ہمسایہ، جن کے تعلقات خراب ہو گئے ہیں۔ذرائع کے مطابق اب پاکستان نے دونوں ممالک کی صلح کرانے کی ٹھان لی ہے ، اس حوالے سے وزیراعظم نوازشریف اور آرمی چیف جنرل راحیل شریف مشترکہ کوششیں کریں گے ۔ ذرائع کے مطابق دونوں پیر کی صبح ہنگامی دورے پر سعودی عرب جائیں گے جہاں شاہی محل میں سعودی فرمانروا شاہ سلمان سے ملاقات ہوگی ، پھر اسی شام وزیر اعظم اور آرمی چیف پہنچیں گے تہران اور ملیں گے ایرانی صدر حسن روحانی سے۔ ان ملاقاتوں کا مقصد ہے سعودی، ایران قیادت سے مل کر کشیدگی کا خاتمہاور دونوں اسلامی ممالک کے تعلقات کی بحالی۔ پاکستان او آئی سی میں سعودی عرب اور ایران کو اکٹھے بٹھانے کے لیے بھی کوشاں ہے۔
ذرائع کے مطابق سعودی عرب کے وزیرخارجہ اور وزیر دفاع کے دورۂ پاکستان کے دوران بھی یہ تنازع ختم کرنے کے امور پر بات ہوئی تھی۔ذرائع کا کہناہے کہ پاکستان نے ایران اور سعودی عرب کی جانب سے اعتماد کے اظہار کے بعد اپناکردار ادا کرنے کا فیصلہ کیا ہے۔وزیراعظم اور آرمی چیف کے سعودی، ایران ہنگامی دوروں کے بعد چینی صدر شی جن پنگ منگل کو ریاض پہنچیں گے اور پھر جمعہ کو ایران بھی جائیں گے۔