school-age youths took

گلشن اقبال میں دونوں لڑکوں نے گاڑی میں سوار افراد کو گن پوائنٹ پر لوٹا ، شہریوں نے روکا تو فائرنگ کرتے ہوئے فرار ہوگئے
کراچی (یس اُردو) کراچی میں سکول اور کالج جانے کی عمر میں نوجوانوں نے اسلحہ تھام کر سٹریٹ کرائم کی وارداتیں شروع کردی ہیں ۔ گلشن اقبال میں ہونے والی چھینا جھپٹی کی سی سی ٹی وی فوٹیج دنیا نیوز نے حاصل کرلی ہے ۔ یہ کراچی کا علاقہ گلشن اقبال بلاک تھری ہے جہاں ایک گاڑی پر تین افراد سوار ہیں ۔ گاڑی میں سوار تینوں افراد ایک دوست کا انتظار کر رہے ہیں کہ اسی اثناء میں ایک موٹر سائیکل پر دو کم عمر لڑکے اسلحہ تان کر شہریوں کو ہراساں کرتے ہیں اور پھر قیمتی سامان سے محروم کرکے فرار ہونے کی کوشش کرتے ہیں تو علاقہ مکین کم عمر لڑکوں پر پتھرائو کرنا شروع کر دیتے ہیں جس کے بعد ڈاکو شہریوں پر فائرنگ کرتے ہوئے فرار ہوجاتے ہیں ۔ پولیس نے لوٹ مار کرنے والے کم عمر لڑکوں کی سی سی ٹی وی فوٹیج حاصل کرلی ہے جس کے بعد ملزمان کی تلاش کا سلسلہ جاری ہے