اسلام آباد (کرائم رپورٹر)فیڈرل گورنمنٹ پبلک سکول نمبر 3 بوائز سیکنڈ شفٹ چکلالہ راولپنڈی کے سینئر ٹیچر محمد اشفاق نے رہزنی کی واردات کی کوشش ناکام بنادی دونوں ڈاکو حوالہ پولیس کردیئے تفصیلات کے مطابق ایف جی پبلک سکول نمبر 3 بوائز سیکنڈ شفٹ چکلالہ راولپنڈی کے سینئر ٹیچر محمد اشفاق نے تھانہ آر اے بازار پولیس کو رپورٹ درج کرائی کہ وہ اہلیہ کے ہمراہ گذشتہ شام موٹر سائیکل پر صدرجارہے تھے کہ اچانک ایم ایچ گیٹ تھری کے قریب 2 موٹر سائیکل سواروں نے ان کی اہلیہ سے پرس چھیننے کی کوشش کی جس پر اہلیہ نے پرس نہ چھوڑا مضبوطی سے پکڑاہونے کی وجہ سے پرس چھین نہ سکے محمد اشفاق نے دونوں ملزمان کو دھر لیا اور ان کو تھانہ آراے بازار پولیس کے حوالے کردیا ملزمان کی شناخت محمدبلال راجااور اختر محمود سے ہوئی ہے پولیس نے مقدمہ درج کرکے تفتیش شروع کر دی ہے
پولیس نے ایف آئی آر میں یہ لکھاکہ نامعلوم ملزمان فرار ہوگئے لیکن درحقیقت ٹیچر اشفاق دونوں ملزمان کو پکڑکر پولیس کے حوالے تھانہ آراے بازار چھوڑ کے آئے تھے