security-forces-thwarted-an-attack-on-the-salala
مہمند ایجنسی میں افغانستان کی جانب سے سلالہ چیک پوسٹ پر سیکورٹی فورسز پرحملہ ناکام بنا دیا گیا ہے مقامی ذرائع کے مطابق حملہ پیر کی شام ساڑھے پانچ بجے ہوا جب افغانستان کی طرف سے دہشت گردوں نے پاکستانی چوکی کو نشانہ بنانے کی کوشش کی ۔
مقامی ذرائع کے مطابق مہمند ایجنسی میں پاک افغان سرحد پر بایزئی تحصیل کی حدود میں واقع سلالہ چیک پوسٹ پر افغانستان کی جانب سے مسلح دہشت گردوں نے فائرنگ کی ۔
اس کے جواب میں چیک پوسٹ پر تعینات مہمند رائفلز نے کارروائی کرکے دہشت گردوں کو بھاگنےپر مجبور کیا ۔ کافی دیر تک جاری رہنے والی فائرنگ کے نتیجے میں کسی جانی و مالی نقصان کی تصدیق نہیں ہوسکی ۔
سلالہ چیک پوسٹ پر 26 نومبر 2011 کو افغانستان میں موجود نیٹو فورسز کے حملہ کی زد میں آئی تھی جس میں 24 پاکستانی فوجی جوان شہید ہوگئے تھے اور پاکستان نے احتجاج کے طور پر کافی عرصہ تک پاکستان سے نیٹو کی سپلائی بند کر دی تھی ۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
