“security”, the young

ننکانہ صاحب(محمد قمر عباس)تھانہ بڑا گھر میں نئے تعینات ہو نے والے ایس ایچ او کو ڈاکوؤں کی ” سلامی” ،نوجوان سے موٹر سائیکل چھین لی ۔تفصیلات کے مطابق نواحی گاؤں کوٹ اکبر کا رہائشی عبد الجبار نئی 125 موٹر سائیکل پر اپنے دوست کو قریبی گاؤں 2 چک چھوڑنے کے بعدواپس آرہا تھا کہ راستے میں 4نامعلوم مسلح ڈاکوؤں نے گن پوائنٹ پر اس سے موٹر سائیکل چھین لی ،عبد الجبار کے مطابق 2 ڈاکو موٹر سائیکل جبکہ باقی 2 پیدل فرار ہو گئے ،اطلاع ملنے پر قائم مقام ڈی ایس پی سرکل بڑا گھر اور ایس ایچ او نواز ورک پولیس کی بھاری نفری کے ہمراہ موقع پر پہنچ گئے تاہم ڈاکو فرار ہو نے میں کامیاب ہو گئے ،اہل علاقہ کے مطابق 2 چک کے قریب اس جگہ پر اس سے قبل بھی متعدد وارداتیں ہو چکی ہیں ،اہل علاقہ نے اس واردات کو پولیس تھانہ بڑا گھر میں نئے تعینات ہو نے والے ایس ایچ او نواز ورک کو ڈاکوؤں کی سلامی قرار دیا ہے